ရခိုင် နှင့်ပတ်သက်တေ စာအုပ်စာတမ်းတိ

() အေဒီခြောက်ရာစု နန့် ယင်းမတိုင်မီ ရခိုင်ပြည်သုံးအက္ခရာများ(အပြည့်အစုံ)
() ရခိုင်စာပီခရီး(အသျှင်ကောသလ္လ(ဂေဝသီ))
() ရခိုင်အက္ခရာ ဆင်းသက်ရာ (အသျှင်စက္ကိန္ဒ)
() ရခိုင်အက္ခရာ စာပီခရီးလမ်းကြောင်း (အသျှင်စက္ကိန္ဒ)
() ရခိုင်သင်ပုန်းကြီး ရွတ်ဖတ်နည်း (အသျှင်စက္ကိန္ဒ)
() အက္ခရာအကြောင်းဟောပြောချက် (အသျှင်စက္ကိန္ဒ)
() ဂန္တဝင်ရခိုင်ဝေါဟာရများ
() ရခိုင်ဘာသာစကားလမ်းညွန်
() လောကသာရ အဖျား (ရခိုင်သူမြတ်)
() လောကသာရဆုံးမစာ (ရခိုင်သူမြတ်)
() အာန္ဒာစန္ဒြားကျောက်စာ
() ရခိုင်ကျောက်စာ၊ ပီစာ၊ ပုရပိုက်စာ၊ ခေါင်းလောင်းစာ၊ နန့် အခြားစာပီမူတိ
() ဂဝိန္ဓကျမ်း (ရခိုင်ဝေသာလီခေတ်တွင်သက္ကတဘာသာမှ ရခိုင်ဘာသာသို့ပြန်ဆိုအသုံးပြုခသောကဗျာ၊လင်္ကာဆိုင်ရာသဒ္ဒါကျမ်း)
() ကဝိပါသဏ္ဍကျမ်း
(ရခိုင်ဝေသာလီခေတ်တွင်သက္ကတဘာသာမှရခိုင်ဘာသာသို့ပြန်ဆိုအသုံးပြုခသောကဗျာ၊လင်္ကာဆိုင်ရာသဒ္ဒါကျမ်း)
() မြန်မာမူပြုမရသော ရခိုင်ကာရံများ (စ/ဆုံး)
() ရခိုင်ရွီပီ ကြိုးစာ
() ရခိုင်စာပီမူ (ပါမောက္ခ ဒေါက်တာအေးကျော်)
() ရခိုင်စကားပုံတိ
() ထူးဆန်းသောပုရပိုက်ကျမ်းစာ
() ရက္ခိတမဂ္ဂဇင်း-၁
() ရက္ခိတမဂ္ဂဇင်း-၂
() ရက္ခိတမဂ္ဂဇင်း-၃
() ရက္ခိတမဂ္ဂဇင်း-၄
() ရက္ခိတမဂ္ဂဇင်း-၅
() ရက္ခိတမဂ္ဂဇင်း-၆
() စိတ်ကူးခြောက်ပိဿာနန့်မြောက်ဥူးကဘီလူး
() ကိုသာလှဥူး ၏ စုစည်းမူများ
() သျှစ်သောင်းဘုရားသံထီးတင် ရခိုင်သံချပ်ကြီး
() အေဒီခြောက်ရာစုနန့်ယင်းမတိုင်မှီရခိုင်ပြည်သုံးအက္ခရာတိကိုဖော်ထုတ်ခြင်း
() ရခိုင်စကားပြင်ကျောက်စာတချပ်
() ဘာသာရေးဆိတ်သုန်မူနန့်မြန်မာမူပြုခံရရခိုင်စာပီ
() မြန်မာမူပြု၍မရသောရခိုင်ကာရံများ
() ဗမာ-အောက်သား နန့် မြန်မာစာ
() ရခိုင်စကားပြင်
() ရခိုင်ကဗျာစစ်တမ်း
() အက္ခရာ နန့် စာ
() ဓညဝတီနိဂုံးရွာများသမိုင်းသာခြင်း(စ/ဆုံး)
() ဓညဝတီနိဂုံးရွာများသမိုင်းသာခြင်းကိုလေ့လာခြင်း
() မဟာဝိဟိကရခိုင်ရာဇဝင်လင်္ကာ
() ဥူးမြဝါဒုံးယိမ်း
() ရခိုင်စာလုံးပေါင်းတည်ငြိမ်ရီး
() လောကသာရပျို့ နန့် ရခိုင်စာပီ (ဝေဖန်ချက်)
() ရခိုင်စာဆိုတော်များ
() ရခိုင်သာစွလေလင်္ကာ
() ရခိုင်ရာဇဝင်လင်္ကာ
() ရခိုင်ကျောက်သင်ပုန်း
() " လား " " လာ " ကိစ္စ (ရခိုင်သဒ္ဒါ)
() အဒူမင်းညို (ရခိုင်မင်းသမီးဧချင်း)
() ရခိုင်လျှောက်ထုံးများ
() မဟာပညာကျော် (ရခိုင်ရာဇဝင်ဇတ်လမ်း)
() ရခိုင်မဂ္ဂဇိင်း အမှတ်(၁)
() သုဝဏ္ဏဒေဝီ၏ သျွှန်းလိုက်ရတုပိုဒ်စုံ
() ရခိုင်အက္ခရာပေါ်ပေါက်လာပုံ နန့် အသွင်ပြောင်းလာပုံ
() ရခိုင်စာလုံးပေါင်းသတ်ပုံအညွန်း (စုစည်းမူ)(ရင်သွီးငယ်)
() ခေတ်မှီရခိုင်စာပီ(အတိုကောက်ရွီးနည်း)-အပိုင်း(၃)(ဒေါက်တာအေးကျော်)
() ရခိုင်စာပီဆိုင်ရာအင်တာဗျူး (ဒေါက်တာအေကျော်)
() တိမ်မြုပ်နီရေ ရခိုင်စာပီးများ(ဥူးသာညွန့်)
() ရခိုင်ပန်းဝှက်စကားထာများ-၁

ရခိုင်သမိုင်း နန့် ပတ်သက်တေ အကြောင်းအရာတိ

() ရခိုင်ရာဇဝင်သစ်ကျမ်း ၁ (မှတ်စု)
() ရခိုင်ရာဇဝင်သစ်ကျမ်း ၂ (မှတ်စု)
() ရခိုင်ရာဇဝင်သစ်ကျမ်း (ဒုတိယအုပ်)
() ရခိုင်မဟာရာဇဝင်တော်ကြီး
() ရခိုင်သမိုင်းကွင်းဆက်များကို ဆက်စပ်ကြည့်ခြင်း
() ရခိုင်တန်ဆောင် ဆောင်းပါးများ (ဥူးဥူးသာထွန်း)
() သီရိလင်္ကာ နန့် ဗုဒ္ဓဘာသာ
() မျိုးရို့အဆက်ဆက်ကိုးကွယ်လာခသောမဟာမုနိ
() ရှိခေတ်ရခိုင်မင်းဆက်များ
() ရှိအတိတ်ကာ ဓညဝတီရခိုင်ပြည် နန်းဆက်မင်းဆက်ရာဇဝင်
() ဗျာလ
() ရခိုင်ပြည်တွင်းကိုးကွယ်ရာဘာသာရပ်များ
() ရခိုင်ရိုးရာစည်တော်စတင်ပေါ်ပေါက်လာခြင်း
() ရခိုင်၊ မြန်မာ မင်းနှစ်ပါးရို့၏ ရာဇသံ
() ဘင်္ဂလားအဝကျွန်းသမိုင်း
() သီရိသုဓမ္မ္မရာဇာ၏နန်းတက်ပွဲအခမ်းအနား
() ရခိုင်ရို့အားဖိနှိပ်ခရေဗမာ(မြန်မာ) မြို့ဝန်များ
() ကမ္ဘာပေါင်းများစွာမှဘုရားများကိုကိုးကွယ်ခြင်း
() သျှစ်သောင်းပုထိုးအတွင်းရှိအဓိကမဏ္ဍိုင်များ
() ရခိုင်နိူင်ငံတော်ကျဆုံးခြင်း
() ဒေးဝန်းအောင်ကျော်ရွှီ၏ကိုယ်တွိရခိုင်ပြည်သိမ်းတိုက်ပွဲမှတ်တမ်း
() အရှိတောင်အာရှာတွင်အစောဆုံးဗုဒ္ဓအနူပညာကျောက်ဆစ်လက်ရာများ
() တတိယမြောက်ဥူးခေတ်အလယ်ပိုင်ရှိဟောင်းငွီသားဒင်္ဂါးများ (ဥူးဥူးသာထွန်း)
() ရခိုင်ဖေသာများ (ဒင်္ဂါးများ)
() လိုင်ရိုးတော်ဓါတ်သမိုင်း
() ရခိုင်မင်းသား
() ဥူးဥတ္တမ နန့် ဒိုင်အာခီအုပ်ချူပ်ရီး
() ဥူးပေါ်ဥူး ၏ စကားအလင်္ကာ
() ရခိုင်လျှောက်ထုံးများ
() ရခိုင်ကျင်
() ဒေးဝန်ကြီးမှတ်တမ်း
() A political Analysis (Series 1)
() AFPFA (Series 2)
() Bo Gree Kra Hla Aung (Series 3)
() The Third Dimension of 8-8-88 ( Series 4)
() The Strategies and Tactics After 8-8-88 (Series 5)
() The Struggle of Hidden Colony and Globalization (Series 6)
() The Prisoner of Mandalay and Democracy Part I (Series 7)
() The Prisoner of Mandalay and Democracy Part II (Series 8)
() The People's Republic of Arakan and Her Concept I (Series 9)
() The People's Republic of Arakan and Her Concept II (Series 10)
() The Arakan Republic and Decolonization of Burma (Series 11)
() An Outlet of the Arakanese Rule in Southeast Bengal During
16th and 17th Century AD
() Buddhist Kings with Muslim Title
() Rock Art and Artisans in Lemro Valley, Arakan
() Literature on the Mrauk-U Period in Arakanese History
() The Remote Mysteries of Mraunk-U
() Thesis on Arakan Chapter 1
() Thesis on Arakan Chapter 2
() Thesis on Arakan Chapter 3
() Thesis on Arakan Chapter 4
() Thesis on Arakan Chapter 5
() Arakan (Fochhammer 1891)
() Ancient Arakan (Gutman, Pamela)
() Crisis and Reformation in the Kingdom of Arakan
() Dom Martin By Maurice Collis and San Shwe Bu
() Changes in Spirits Cults in Arakan
() Arakan, Morn RaZaGree and Portuguese
() Arakan Eighty Years Ago
() A Study of Arakan’s Subjection in Nineteenth-Century
() Arakan King's Letter to Dutch King
() Rakhaing New Historical Journal
() Vaishali and the Indianization of Arakan
() A Dicussion of Muslim Influence in Mrauk_U Period(Dr.Jacques)
() Rediscovering Arakan (Dr.Jacques)
() The Land of Historic Finds by U Shwe Zan
() History of Mahamuni Image
() The Story of Mahamuni
() Mahamuni Tradition
() The Land of Great Image (Maurice Collis)
() Arakan - A Promised Land
() History of Arakan
() Arakan: Past, Present and Future (John Ogilvy Hay)
() Arakan and First Anglo Burmese War
() Interpretations of Burmese World Part I
() The Serpent and The King
() The Rise and The Fall of Arakan Kingdom
() A Buddhist Land of Rakhaing
() How Mrauk-U was translated into Monkey's egg
() The Forgotten Cities of Arakan
() Marma (The Arakanese)
() Ancient Arakan
() Old Arakan (U San Shwe Bu)
() ရခိုင်သမိုင်း နန့် သံသယများ (ဥူးရွီစံ)
() Notes on Arakan
() PhD. Thesis on Arakan
() Stephans's Thesis on Arakan
() Arkanese Poem of 16th Century
() Arakan
() Arakanese Proverbs in Comparison with their counterparts in Burmese
() Arakan
() Buddhist Art of Ancient Arakan
() THE MAGHS
() So-called Rohingya and Rakhaing
() Influx Virus (1)
() Illegal Migration into Assam from Bangladesh
() Illegal Kular Problem in Arakan
() On the Evolution of Rohingya problem in Rakhine State of Burma I
() My Views on Rohingya
() AlQaeda
() False Rohingya History
() Toward Understanding Rohingya
() On the Evolution of Rohingya Problem in Arakan State
() The Developement of Muslim Enclavement
() Rohingya And Migrated People in Arakan
() ကုလားအကြောင်းတစိတစောင်း
() ရိုဟင်ဂျာကိုဇာသူမွီးခလဲ?(အသစ်!)
() Response to Muslim Press Release the Rohingyas
() (Mis)Interpretation of Burmese Words Kula(အသစ်!)
() Identities of The Rakhaing Community (Maung Than Aye)
() Interview with guest Editor Stephan Van Galen
() Political Success of a Buddhist Boarder States (Dr.Jucques)
() The Rohingyas, Who are they?
() Burmese Responses to Indian Immigration 1(အသစ်!)
() Burmese Responses to Indian Immigration 2
() An Historian Looks at Rohingya (Dr.Aye Kyaw)
() Background of Rohingya Problem (Kyaw Zan Tha,MA)
() KING-BERING
() မဟာတော်ဝင် ရခိုင်ဘုရင်မျိုးနွယ်တော်များ
() ဒဏ္ဏာရီထဲ့က သမိုင်းရှာပုံတော်များ
() သူ့ကျွန်မခံဇာတိမာန်နန့် (မနူဿဥူးဘစိန်)
() ရခိုင်ဆိုသောစကားရပ်ဧ့ရင်းမြစ်နန့်ပုံစံအမျိုးမျိုး
() ရခိုင်နယ်နမိတ် (ဥူးဘစံ)
() ဂုဏ်ယူပါလီ ဓညဝတီ
() သူ့ကျွန်မခံဇာတိမာန်နန့်-၁၉၇၉ (မနူဿဥူးဘစိန်)
() Burma or Myanmar
() ခြီတော်ရာကြီးသမိုင်း(အသစ်!)
() ကိုလိုနီဘဝ ရွှီပြည်ရခိုင် (မြထွန်းအောင်)(အသစ်!)
() ရက္ခမဏ္ဍိုင်အမှတ်-၁(ဥူးဘစံ)(အသစ်!)
() ရခိုင်ရိုးရာသင်္ကြန်နန့် သမိုင်းနောက်ခံ(အသစ်!)

ရခိုင်စာပီ နန့် ပတ်သက်တေ ဝတ္ထု၊ ကဗျာ တိ

() ဘဝပီးသင်္ခန်းစာ ဝတ္ထု
() မဟာပညာကျော် (ရခိုင်ရာဇဝင် ဗွီဒီယိုဇတ်လမ်း)
() ပန်းတံမင်းသားနန့်သံတွေမင်းသမီးဝတ္ထု
() သီရိသုမြတ်စွာဒေဝီ
() လှိုင်းသံများမှအက္ခရာစာလုံးများသို့
() မုဒိတာစမ်းရီအိုင် (ဝတ္ထု)
() လက်ညိုး
() ကျားချေ နန့် နွားချေ ဝတ္ထု
() ရခိုင်ဖားပြုတ်ကေဝတ္ထု
() နွီအလွမ်းဝတ္ထု
() သုံးဆယ်သီမင်းဝတ္ထု
() တောင်သမင် နန့် အဂြို
() တပိန်တထည်
() ထွက်ပေါက်
() အေနိ နန့် နက်ဖန်
() သင်္ကြန်ကဗျာများ
() ရခိုင်ကျွန်းရွာဓလေ့ကဗျာများ
() ရခိုင်ဇမ်းကဗျာများ
() မိုးသောက်ရောင်နီကဗျာ(၁)
() မိုးသောက်ရောင်နီကဗျာ (၂)
() ရွာတော်က ကဗျာတပုဒ်
() ရွက်နူပြန်ချိန်ရခိုင်ကဗျာသီးသန့်စုစည်းမူ
() Arakanization

ဥိးမြဝါ ဒုံးယိမ်း

ရက္ခမဏ္ဍလတိုင်းမြတ်ကျော် ပညာဟိများပေါ်ပေါ်
ပညာကျော် ပညာကျော် တိုင်းအသိ ကဝိအမော်
တိုင်းသိအကျော် တိုင်းသိအကျော် တိုင်းသိအမော်
အမတ်တော်လည်း (ဝိမလ)၂ ရဲစွမ်းရေ(ဥိးမြဝါ)၂
(စာဆိုမှာ)၂ မင်းညိုပါလေး....။

(ဥိးမြဝါ)၂ အသက်ကိုစွန့် ပျာယ် လားရေလားလေ
ဘုရင်ကြိးနှင့်ပြည်သူအများ သောကပူပင်ပွါးရေလေးလေ
ရက္ခမဏ္ဍလတိုင်းကိုလ အံမတုနိုင် တခြားနိုင်ငံ
အာဇာနီဇာနီသွီးယေက ပြေငြိမ်းလီပြန် ငြိမ်းလီပြန်
ပူဇော်ဖို့ ရေးဈာပနပွဲ ဖောင်တောာ်တင်ပျာယ် ဆွဲရေလေးလေ
(ဆွဲရေလေး) ၂ ဆွဲပါရေလေးလေ......။

မင်္ဂလကြက်သရေစုံစွာ တေဇာထွန်းရေ
ဇမ္ဗူဒီပါလက်ယာကျွန်းမှာ မော်ကွန်းတင်ခရေ
လေးဝတီထင်ရှားပါလှရေ ဘုရားမြတ်စွာဗျာဒိတ်ပိးခရေ
ဖိးဘယာဝိးလို့  စည်ပင်သာလှရေ...။

ဇမ္မူဒီပါလက်ယာကျွန်းမှာ နီရောင်လရောင် ထိန်ပြောင်လင်းရေ
ရက္ခမဏ္ဍဓညဝတီ ငါ့ရို့ ဌာနီ ရွှီပြည်ကြိးကို
စန္ဒသူရိယဓိဌာန်ပြုလို့  ငါရို့ ဘုရားကြွချီလာ
ထိုစဉ်အခါပြိုင်စံယှားရေ ငါရို့ အမတ် ပညာကျော်
ဝိမလခေါ်သုခမိန်ကြိးနှင့် ပညာဝံသငလက်ရုံး
မျိုးရခိုင်ဘုန်း မိုးသို့ ချုံး
ယိုးဒယားနှင့်တိုင်းဟံသာ ဒေလီပဆာအာသံရို့ မှာ
ဘဏ္ဌာတော်မြတ်ဆက်ရရှာ (ငါရို့ ဘုန်းရောင် နီသို့ အလား)
ငါရို့ ပြည်ငါရို့ မျိုး ငါရို့ ဘုရင် ( ငါရို့ ဘုန်းရောင် နီသို့ အလား)
ရာဇာကြိးနှင့် မြတ်မင်းဘာ (စောမွန်ဘွဲ့ မှာ ယဉ်နုပါ၏)
(ဥိးမြဝါလေးစားပါယင့်)၃....။

(ကွယ်လွန်သူ ဥိးစံကျော်ထွန်းရွိးစပ်သည်။)

ပန်းတံမင်းသားနှင့် သံတွဲမင်းသမီးဝတ္ထု

ရခိုင်ရိုးရာ၊ ဖြစ်ခြင်းရာကို၊ ကျွန်ဆရာမှာ၊ ပြောပြမည်။
ထီးကခရိုင်၊ မင်းထိုင်ပြည့်ဖြိုး၊ ပြည်ပဂိုး။ ပဂိုးမင်းသမီး၊ ပြည်ကိုခွဲခါ၊ နှမကားတောင်၊ မောင်ကားမြောက်ဦး၊ မြစ်မင်းဂဂါင်္၊ သီတာတရိုး၊ နှမနီကေ၊ သံတွဲမြို့၊ မောင်ရို့နီကေ၊ ရခိုင်မြို့။
ရခိုင်မင်းသား၊ နန်းထက်ဖွား၊ လှငြားတင့်တယ်၊ မိခင်ဝမ်းမှာ၊ သန္ဓေတည်။
ကိုးလကပင်၊ ကိုယ်ဝန်ကြင်၊ ခမည်းလွန်းတင်၊ ဖဘုရင်၊ ဘုရင်လွှတ်လွှတ်၊ ရခိုင်မြို့မှာ၊ မကြံတတ်။
ကျွန်မပြည့်ကူ၊ ကိုယ်ယူကိုယ်မ၊ သနားစဖွယ်၊ သျှင်မ၀မ်းကို၊ စမ်းကြည့်ရေခါ၊ ချစ်သျှင်မမှာ၊ မိမ္မမဖြစ်၊ ယောင်္ကျားဖြစ်မည်။
ယောင်္ကျားဖြစ်လည်း၊ အရှင်မမွီး၊ ချစ်သျှင်မမှာ၊ အသီရာမွီးမည်၊ ဇောင်လည်းလေ၊ ဇောင်လည်းအလို၊ ပြည့်ကျွန်မမှာ၊ ဇမ်းတိုက်ဆိုရေ။

ဇောင်စကားကို၊ ကြားရေနိက၊ ရခိုင်မင်းပင်၊ အသျှင်တရီး၊ နန်းတောင်ညာမှာ၊ ကြောင်းကြကြီးရေ။
ငါ့မှာဟိငြား၊ ရွှီကလောင်ကိုင်၊ ဇကိုင်ကြီး၊ မတ်ကြီးမနီ၊ ငါ့အနားတွင်၊ ခုရောက်စီ။
ငွေကလောင်ကိုင်၊ ဇကိုင်ကြီး၊ မှုးကြီးမနီ၊ ငါအနားတွင်၊ ခုရောက်စီ။
ရွှီကလောင်ကိုင်၊ ဇကိုင်ကြီး၊ မတ်ကြီးလေးသွယ်၊ နန်းတောင်ညာမှာ၊ ရောက်လာရေ။
ငွေကလောင်ကိုင်၊ ဇကိုင်ကြီး၊ မှုးကြီးလေးသွယ်၊ နန်းတောင်ညာမှာ၊ ရောက်လာရေ။
ရွှီကလောင်ကိုင်၊ ဇကိုင်ကြီး၊ မတ်ကြီးမနီ၊ ကံ့ကူသည်နှင့်၊ ၀လံသည်ကို၊ ရခိုင်မြို့မှာ၊ ခုရှာခီ။
ငွေကလောင်ကိုင်၊ ဇကိုင်ကြီး၊ မှုးကြီးမနီ၊ ကံ့ကူသည်နှင့်၊ ၀လံသည်ကို၊ ရခိုင်မြို့မှာ၊ ခုရှာခီ။

ရွှီကလောင်ကိုင်၊ ဇကိုင်ကြီး၊ မတ်ကြီးမနီ၊ ကံ့ကူသည်နှင့်၊ ၀လံသည်ကို၊ ရှာခီရေ။
ငွေကလောင်ကိုင်၊ မှုးကြီးမနီ၊ ကံ့ကူသည်နှင့်၊ ၀လံသည်ကို၊ ရှာခီရေ။
ရွှီကလောင်ကိုင်၊ ဇကိုင်ကြီး၊ ငွေကလောင်ကိုင်၊ ဇကိုင်ကြီး၊ မှုးမတ်လေးသွယ်၊ ကံ့ကူသည်နှင့်၊ ၀လံသည်ကို၊ ရှာခီရေ။
ကံ့ကူသည်နှင့်၊ ၀လံသည်၊ မောင်ဖွားလေးသွယ်၊ နန်းတောင်ညာမှာ၊ ရောက်လာရေ။
ကံ့ကူသည်နှင့်၊ ၀လံသည်၊ တချက်နှစ်ချက်၊ ပျိုင်သင်ပုန်းမှာ၊ ခေါက်လို့တွက်ခါ၊ မိမ္မမဖြစ်၊ ချစ်သျှင်မမှာ၊ ယောက်ကျားဖြစ်မည်။
ယောက်ကျားဖြစ်လည်း၊ အရှင်မမွီး၊ ချစ်သျှင်မမှာ၊ အသီရာမွီးမည်။
ဇောင်လည်းလေ၊ ဇောင်လည်းအလို၊ ကံ့ကူသည်နှင့်၊ ၀လံသည်မှာ၊ တွက်တိုင်းဆိုရေ။
ဇောင်စကားကို၊ ကြားရေနိက၊ ရခိုင်မင်းပင်၊ အသျှင်တရီး၊ နန်းတောင်ညာမှာ၊ ကြောင့်ကြကြီးရေ။ ကြက်ဖကြိမ်သီး၊ မောင်လုံးကြီး၊ ရှောက်ရှောက်လဲဖမ်း၊ စုန်းမင်းလယ်ကို၊ ရီမိုးသန်း။
ဂေါင်းရင်းကနီ၊ မဟာကျီကို၊ မောင်ကိုးရေ။
ခြီရင်းကစောင့်၊ သျှင်မဂေါက်ကို၊ မောင်ကိုးရေ။
ဇောင်ပင်တရီး၊ ရခိုင်မင်းမှာ၊ မကျီသီး၊ ကိုးလကပင်၊ ဆယ်လစိမြောက်၊ သားပန်းပင်ကို၊ ဖွားလာရေခါ၊ သားပန်းပင်ကို၊ နန်းတောင်ညာမှာ၊ အရှင်မမွီး၊ အသီရာမွီးရေ။

ဇောင်စကားကို၊ ကြားရေနိက၊ ရခိုင်မင်းပင်၊ အသျှင်တရီး၊ နန်းတောင်ညာမှာ၊ ကြောင့်ကြကြီးရေ။
နဖူးကိုခတ်၊ ရင်ကိုသတ်၊ ရပ်ပတ်ကြိုကြို၊ ရခိုင်မင်းမှာ၊ နန်းတောင်ညာမှာ၊ လှုးလို့ငိုခါ၊ အထက်ဒေ၀ါ၊ အသျှင်သိကြား၊ ခင်းထားကမ္မလာ၊ နီရာသင်းဖုန်း၊ တင့်ကြော့လုံးစုံ၊ သိကြားဖုံမှာ၊ မနီနိုင်ဘဲ၊ နတ်မျက်တထောင်၊ အဟန်ဆောင်၊ နတ်ပြည်ယဉ်မှာ၊ ကြည့်လိုက်မူကား၊ မည်သည်မျပင်၊ နတ်ပြည်ယာဉ်မှာ၊ မမြင်ကျင်။ လူ့မျက်တထောင်၊ အဟန်ဆောင်၊ ကြည့်လိုက်မူကား၊ ရခိုင်မင်းပင်၊ အသျှင်တရီး၊ သားပန်းပင်နှင့်၊ ကြောင့်ကြကြီး။ ငါတာခုဝေ၊ ရခိုင်မင်းကို၊ မခီမည်။ ရွှီကြိုးခုနှစ်ပင်၊ သျှင်သိကြားမှာ၊ စလွယ်တင်။ လက်မှာပြောင်ဝင်း၊ ခရုသင်း။ သျှင်မင်းမနီ၊ ရခိုင်မြို့ကို၊ ဆင်းလီရေ။ သိကြားရီစင်၊ ဖြန်းလီရေခါ၊ သားပန်းပင်မှာ၊ အသက်ကေ၀င်ပြီး၊ ၀ါးဝါးဝါးလို့ ငိုလီရေ။

အသက်ကေ၀င်ပြီး၊ ရခိုင်မင်းပင်၊ အသျှင်တရီး၊ နို့ကောင်းသူကို၊ ကောင်းရာရွီးလို့၊ သားကောင်းသားဖြူ၊ နို့ကောင်းသူ၊ ကောက်ယူစို့ငြား၊ အသားဖြူကေ၊ မိမ္မနို့သယ်၊ ရှိကပယ်၊ အငယ်အကြီး၊ နို့ကောင်းရာမှာ၊ ကောင်းရာရွီးလို့၊ အသားဖြူကေ၊ ပူသယ်နို့ရည်၊ ထိုသည်မိမ္မ၊ ဣထိယ၊ ရာဇပုတ္တ၊ နို့ကောင်းရာမှာ၊ ရွီးကာမသွင်း။
နို့အုန်းသီးလျှင်၊ နို့လာပြင်းလျှက်၊ သူငယ်စို့ကေ၊ ခံတွင်းမကန်၊ မှောက်ကာလန်၊ နို့အံတတ်တေ။
ထိုသည်မိမ္မ၊ ဣထိယ၊ ရာဇပုတ္တ၊ နို့ကောင်းရာမှာ၊ ရွီးကာမသွင်း။
နို့ဖရုံလျှင်၊ သူငယ်စို့လျှက်၊ တအောင့်လောက်မှ၊ တပေါက်ရလို့၊ မ၀ခင်ပင်၊ သူငယ်ရို့မှာ၊ ပျင်းစိတ်ဝင်လို့၊ မစို့ချင်၊ ထိုသည်မိမ္မ၊ ဣထိယ၊ ရာဇပုတ္တ၊ နို့ကောင်းရာမှာ၊ ရွီးကာမသွင်း။
မမဲမဖြူ၊ မဆူမကြုံ၊ နို့အုံညီညွတ်၊ စနီနံ၊ ရွှီရင်ဖတ်မှာ၊ သားမြတ်မကျ၊ ဘေးတဖက်က၊ တနာရီမှာ၊ လေးယောက်ထလို့၊ မင်းသားညီမောင်၊ လှသားမောင်၊ ဘုန်းခေါင်နန်းလယ်၊ မြဧယိုင်မှာ၊ တင်ကာလွှဲကေ၊ မွီးစားရေလေ။

တညဥ့်သားနှင့်၊ တရက်သားမတူ၊ ပန်းတံမောင်မှာ၊ ကြီးတော့မူ။
တရက်သားနှင့်၊ တလသားမတူ၊ ပန်းတံမောင်မှာ၊ လှတော့မူ။
ခုနှစ်နှစ်သား၊ ရွယ်ရောက်သောခါ၊ တရပိုဒ်တဆူ၊ ကံ့ကူတခဲ၊ ဒေါ်လွန်းကြင်၊ နို့သျှင်မိနှင့်၊ နို့သျှင်ဖမှာ၊ ဆွမ်းတပွဲနှင့်၊ ကျောင်းခြီတထောင်၊ ပိုင်ရေဘုန်းကြီး၊ မြတ်လေးလွမ်းကြင်၊ ကူတော်တိုက်မှာ၊ ရွှီကျောင်းသျှင်၊ အသျှင်ဘုန်းကြီး၊ သံစည်ကြောင်၊ ညောင်ညောင်တီး။
ဘုန်းကြီးမြတ်မွန်၊ နာမည်ကောင်းကေ၊ ၀ိဟာစံ။ ဆရာတော်၊ သျှင်ဖော်ကျောင်းမှာ၊ သားရင်သွီးကို၊ လက်ထက်အပ်တေ။
ကကြီးခငယ်၊ အရင်းသွယ်၊ သုံးဆယ်သုံးလုံး၊ သုံးသင်ပုန်း၊ တလုံးမကျန်၊ ဆရာတော်၊ သျှင်ဖော်ကျောင်းမှာ၊ ရွီးကာပြန်။
ရွှီကျောင်းသခင်၊ အသျှင်တစ၊ ပန်းတံမင်းသား၊ တပည့်မောင်ကို၊ စာလုံးပြ။
ပန်းဇင်းပျို၊ မောင်တိုတစ၊ ပန်းတံမင်းသား၊ လူလှမောင်ကို၊ စာကြောင်းပြ။
ပန်းတံမင်းသား၊ မောင်တာလွှတ်လွှတ်၊ ရွှီကျောင်းသခင်၊ အသျှင်ဘားမှာ၊ စာမဖတ်။
ရွှီကျောင်းသခင်၊ အသျှင်မာန်ပေါက်၊ နဖူးစမှာ၊ ရွှီရောင်တောက်။
စာကြိုးနှင့်နှောင်၊ စာပေါင်နှင့်သတ်၊ ပန်းတံမောင်ကို၊ ကျောင်းလက်ခင်းမှာ၊ လှုးပျာသတ်တေ။
မျက်ခမ်းထဲမှာ၊ မျက်ရည်ဖျင်ဖျင်၊ စာလုံးကိုပင်၊ ကြည့်မမြင်။
တဆယ့်ငါးနှစ်၊ ပန်းတံမင်းသား၊ လူလှမောင်၊ ဆရာတော်၊ သျှင်ဖော်ကျောင်းမှာ၊ လူသျှင်ဖြစ်တေ။

ကိုးလကပင်၊ သံတွဲသူကို၊ ကိုယ်ဝန်ကြင်။
ကျွန်မပြည့်ကူ၊ ကိုယ်ယူကိုယ်မ၊ သနားစဖွယ်၊ သျှင်မ၀မ်းကို၊ စမ်းကြည့်ရေခါ၊ ယောက်ျားမဖြစ်၊ ချစ်သျှင်မမှာ၊ မိမ္မဖြစ်မည်။
မိမ္မဖြစ်လဲ၊ အရှင်မမွီး၊ ချစ်သျှင်မမှာ၊ အသီမွီးဖို့၊ ဇောင်လဲအလို၊ ပြည့်ကျွန်မမှာ၊ ဇမ်းတိုက်ဆို။
ဇောင်စကားကို၊ ကြားရေနိက၊ ရခိုင်မင်းပင်၊ အသျှင်တရီး၊ နန်းတောင်ယာမှာ၊ ကြောင်းကြကြီး။ ငါ့မှာဟိငြား၊ ရွှီကလောင်ကိုင်၊ ဇကိုင်ကြီး၊ မတ်ကြီးမနီ၊ ငါအနားတွင်၊ ခုရောက်စီ။ ငွေကလောင်ကိုင်၊ ဇကိုင်ကြီး၊ မှုးကြီးမနီ၊ ငါအနားတွင်၊ ခုရောက်စီ။ ရွှီကလောင်ကိုင်၊ ဇကိုင်ကြီး၊ မတ်ကြီးလေးသွယ်၊ နန်းတောင်ညာမှာ၊ ရောက်လာရေ။ ငွေကလောင်ကိုင်၊ ဇကိုင်ကြီး၊ မှုးကြီးလေးသွယ်၊ နန်းတောင်ညာမှာ၊ ရောက်လာရေ။
ရွှီကလောင်ကိုင်၊ ဇကိုင်ကြီး၊ မတ်ကြီးမနီ၊ ကံ့ကူသည်နှင့်၊ ၀လံသည်ကို၊ ရခိုင်မြို့မှာ၊ ခုရှာခီ။ ငွေကလောင်ကိုင်၊ ဇကိုင်ကြီး၊ မှုးကြီးမနီ၊ ကံ့ကူသည်နှင့်၊ ၀လံသည်ကို၊ ရခိုင်မြို့မှာ၊ ခုရှာခီ။ ကံ့ကူသည်နှင့်၊ ၀လံသည်၊ မောင်ဖွားလေးသွယ်၊ နန်းတောင်ညာမှာ၊ ရောက်လာရေ။ တချက်နှစ်ချက်၊ ပျိုင်သင်ပုန်းကို၊ ခေါက်၍တွက်သော်၊ ချစ်သျှင်မမှာ၊ ယောင်္ကျားမဖြစ်၊ မိမ္မဖြစ်မည်။
မိမ္မဖြစ်လည်း၊ အရှင်မမွီး၊ ချစ်သျှင်မမှာ၊ အသီရာမွီးမည်။ ဇောင်လဲလေ၊ ဇောင်လဲအလို၊ ကံ့ကူသည်နှင့် ၀လံသည်မှာ၊ တွက်တိုင်းဆိုရေ။

ကိုးလကပင်၊ ဆယ်လစိမြောက်၊ သမီးတော်ကို၊ ဖွားလာရေခါ၊ သမီးတော်ကို၊ အရှင်မမွီး၊ နန်းတောင်ညာမှာ၊ အသီရာမွီးရေ။
ဇောင်စကားကို၊ ကြားရေနိက၊ နဖူးကိုခတ်၊ ရင်ကိုသတ်၊ ရပ်ပတ်ကြိုကြို၊ နို့သျှင်မိနှင့်၊ နို့သျှင်ဖမှာ၊ လှူးလို့ငိုခါ၊ အထက်ဒေ၀ါ၊ အသျှင်သိကြား၊ ခင်းထားကမ္မလာ၊ နီရာသင်းဖုန်း၊ တင့်ကြော့လုံးစုံ၊ သိကြားဖုံမှာ၊ မနီနိုင်ဘဲ၊ နတ်မျက်စိတထောင်၊ အဟန်ဆောင်၊ နတ်ပြည်ယာဉ်ကို၊ ကြည့်လိုက်မူကား၊ မည်သည်မျှပင်၊ မမြင်ကျင်။ လူ့မျက်တထောင်၊ အဟန်ဆောင်၊ ကြည့်လိုက်မူကား၊ ရခိုင်ဘုရင်၊ အသျှင်တရီး၊ သမီးကညာနှင့်၊ ကြောင့်ကြကြီး။ ငါတာခုဝေ၊ ရခိုင်မင်းကို၊ မခီမည်။ ရွှီကြိုးခုနှစ်ပင်၊ သျှင်သိကြားမှာ၊ စလွယ်တင်၊ လက်မှာပြောင်းဝင်း၊ ခရုသင်း၊ သိကြားမနီ၊ သံတွဲသူကို၊ သိကြားရီစင်၊ ဖြန်းလီရေခါ၊ အသက်ကေ၀င်ပြီး၊ ၀ွါးဝွါးဝွါးလို့ ငိုလီရေ။

အသက်ကေ၀င်ပြီး၊ ရခိုင်မင်းပင်၊ အသျှင်တရီး၊ နို့ကောင်းသူကို၊ ကောင်းရာရွီးလို့၊ သားကောင်းသားဖြူ၊ နို့ကောင်းသူကို၊ ကောက်ယူစို့ငြား၊ အသားဖြူကေ၊ မိမ္မနို့သယ်၊ ပူသယ်နို့ရည်၊ ထိုသည်မိမ္မ၊ ဣထိယ၊ ရာဇပုတ္တ၊ နို့ကောင်းရာမှာ၊ ရွီးကာမသွင်း။
နို့အုန်းသီးလျှင်၊ နို့လာပြင်းလျှက်၊ သူငယ်စို့ကေ၊ ခံတွင်းမကန်၊ မှောက်ကာလန်၊ နို့အံတတ်တေ။
ထိုသည်မိမ္မ၊ ဣထိယ၊ ရာဇပုတ္တ၊ နို့ကောင်းရာမှာ၊ ရွီးကာမသွင်း။
နို့ဖရုံလျှင်၊ သူငယ်စို့လျှက်၊ တအောင့်လောက်မှ၊ တပေါက်ရလို့၊ မ၀ခင်ပင်၊ သူငယ်ရို့မှာ၊ ပျင်းစိတ်ဝင်လို့၊ မစို့ချင်။ ထိုသည်မိမ္မ၊ ဣထိယ၊ ရာဇပုတ္တ၊ နို့ကောင်းရာမှာ၊ ရွီးကာမသွင်း၊၊
မမဲမဖြူ၊ မဆူမကြုံ၊ နို့အုံညီညွတ်၊ စနီနံ၊ ရွှီရင်ဖတ်မှာ၊ သားမြတ်မကျ၊ ဘေးတဖက်က၊ တနာရီမှာ၊ လေးယောက်ထလို့၊ သံတွဲသူ၊ ဖြူမယ်လှကို၊ မြဧယိုင်မှာ၊ တင်ကာထားကေ၊ မွီးစားရေလေ။

ခုနှစ်နှစ်သမီး၊ အရွယ်ရောက်သောအခါ၊ ဆံထုံးထုံးတတ်၊ ပန်းပန်တတ်၊ ရပ်တတ်ကပင်၊ သံတွဲသူကို၊ ယိုင်ခတ်သင်။
ဦးစံတင်၊ အယင်မွီးကေ၊ မယ်ကြီးတစ၊ သံတွဲသူကို၊ ယိုင်ကြောင်းပြ။
လွမ်းလို့ကြင်၊ နို့သျှင်တစ၊ သံတွဲသူ၊ ချစ်သမီးကို၊ ရွမ်းကြောင်းပြ။
သံတွဲသူ၊ ချစ်ဖြူလွှတ်လွှတ်၊ မြယိုင်စင်မှာ၊ မခတ်တတ်။
လွမ်းလို့ကြင်၊ နို့သျှင်မာန်ပေါက်၊ နဖူးစမှာ၊ ရွှီရောင်တောက်။
ယိုင်ကြိုးနှင့်နှောင်၊ ယိုင်ပေါင်နှင့်သတ်၊ သံတွဲသူကို၊ မြယိုင်စင်မှာ၊ ကြင်းပျာသတ်ခါ၊ မျက်ခမ်းထဲမှာ၊ မျက်ရည်ဖျင်ဖျင်၊ သံတွဲသူမှာ၊ ခြည်လုံးကိုပင်၊ ကြည့်မမြင်။
တဆယ့်ငါးနှစ်၊ သံတွဲသူမှာ၊ မိခင်အိမ်နှင့်၊ ဖခင်အိမ်မှာ၊ လူသျှင်ဖြစ်တေ။
တလင်္ဂုနီ၊ စနီရန်ဖက်၊ သံတွဲသူနှင့်၊ ပန်းတံမောင်မှာ၊ တဂြက်ဂြက်။
ရက်ကမသင့်၊ အရီးကေအသျှင်၊ အခင်ပင် မသနား၊ သံတွဲသူနှင့်၊ ပန်းတံမောင်ကို၊ သံတွဲမြို့နှင့်၊ ရခိုင်မြို့မှာ၊ ခွဲလို့ထားရေ။
တဆယ့်ငါးနှစ်၊ အရွယ်ရောက်ခါ၊ သံတွဲသူမှာ၊ လူသျှင်ဖြစ်တေ။ တဖက်ကေတချက်၊ သံတွဲသူမှာ၊ မြယိုင်စင်မှာ၊ နွှဲပျာရက်တေ။
အဖြူရွန်းကို၊ နှိပ်ပျာထိုးလို့၊ ချောင်းမှာနီရေ၊ ပုဇွန်စိတ်ကေ၊ ငါးချေမကြွင်း၊ မယ်လက်ရာမှာ။ ပေါ်ပျာလတ်ကေ၊ ဆင်မျက်ကွင်း။
အနီရွန်းကို၊ နှိပ်ပျာထိုးလို့၊ တောမှာနီရေ၊ ပုရွက်စိတ်ကေ၊ နှံချေမကြွင်း၊ မယ်လက်ရာမှာ၊ ပေါ်ဗျာလတ်ကေ၊ အံကိုးကွင်း။
တဖက်တချက်၊ သံတွဲသူမှာ၊ မြယိုင်စင်မှာ၊ နွဲပျာရက်ခါ၊ ညှိုးညှိုးငယ်ငယ်၊ သံတွဲသူမှာ၊ အိမ်သာယာကို၊ တက်ခရေ။ မိနံဘားနှင့်၊ ဖနံဘားမှာ၊ ထိုင်လာရေ။

လက်ခြီဆယ်ချောင်း၊ စုံစွာပေါင်း၊ လက်ကောက်ရုံ့တုံ၊ ကြာမုံအဆင်၊ လက်ဆယ်ချောင်းကို၊ ဦးထိပ်တင်။ ကိုယ်ပင်ပင်၊ ကိုယ်ပင်ရိုကျိုး၊ မိနှင့်ဖကို၊ ရှိမိုးခိုးရေ၊၊ မြင်းမိုရ်ကြီးခြင်း၊ ငါ့ကိုကြင်ကေ၊ မွီးဖရင်း။ ဖခင်ပဒေ၊ ပီးလိုက်လီ။
မြင်းမိုရ်ကြီးခြင်း၊ ငါ့ကိုကြင်ကေ၊ မွီးမိရင်း။ မိခင်ပဒေ၊ ပီးလိုက်လေ။ အချေကပင်၊ တခါရံထူး၊ ရွှီစလောင်းနှင့်၊ ဆွမ်းကောင်းမယ်ထွီး၊ ပန်းဇင်းပျိုကို၊ မလောင်းဖူး။
ရင်ဝလေးတောင်၊ ဇောက်သျှစ်တောင်၊ ရောင်တော်ညီးညီး၊ ဂူတော်တိုက်မှာ၊ ဘုရားကြီး။ တခါရံပင်၊ မြတ်သျှင်ပင်ကို၊ မဖူးဖူး။
မယ်ဒါဒါ၊ မယ်ဒါခုဝယ်၊ နို့သျှင်မိနှင့်၊ နို့သျှင်ဖယောင်၊ ကူတော်တိုက်မှာ၊ ရွှီကျောင်းသခင်၊ အသျှင်မြတ်ကို၊ ရွှီစလောင်းနှင့်၊ ဆွမ်းကောင်းမယ်ထွီး၊ လောင်းခီမည်။
ငွေစလောင်းနှင့်၊ ဆွမ်းကောင်းမယ်ထွီး၊ လောင်းခီမည်။ ရင်ဝလေးတောင်၊ ဇောက်သျှစ်တောင်၊ ရောင်တော်ညီးညီး၊ ကူတော်တိုက်မှာ၊ ဘုရားကြီး။
ဒေါ်လဲလေ၊ ဒေါ်လဲခုဝယ်၊ မြတ်သျှင်ပင်ကို၊ ဖူးခီမည်။ ဖခင်ပဒေ၊ ပီးလိုက်လီ။ မိခင်ပဒေ၊ ပီးလိုက်လီ။ ပဒေတောင်းလီရေ။

လားကားလားခီ၊ ချစ်သမီးလေ၊ တံဆီးတပေါက်၊ ယင်မသောက်ခင်၊ မိခင်ထံနှင့်၊ ဖခင်ထံမှာ၊ ခုရောက်စီ။
ဇောင်ပိုင်ပိုင်၊ ဇောင်ပိုင်လည်းဆို၊ သံတွဲသူ၊ ချစ်သူဆွမ်းပန်း၊ ချက်လတ်တေ။
ဆွမ်းပန်းချက်ပြီး၊ မြသပိတ်မှာ၊ ခူးပျာထည့်ခါ၊ လေးတောင်ကျော်၊ ငါးတောင်တိုက်ကို၊ ၀င်ခရေ။
တပင်တပင်၊ မယ့်ဆံပင်ကို၊ ဆီနှင့်ပျင်၊ တပင်ထက်မှာ၊ နှစ်ပင်ပျံ့ပျူး၊ မယ့်ဆံပင်ကို၊ ပန်းဆီလူးရေ၊။ ဆင်စွယ်အဖီး၊ ဆိုင်သာယာမှာ၊ အဖ၀ယ်ကေ၊ ငါးဆယ်ပီး။
မဖြီးစလို၊ မကိုင်စလောက်၊ ၀က်ခေါက်မျှမျှ၊ နဖူးပြင်မှာ၊ တင်ပျာထားကေ၊ မိမျက်တွက်။ မိမ္မဆံထုံး၊ ကျောက်သားလုံး၊ ရွန်းလုံးဆံကျင်၊ စမ်းမမြင်။
သီသီသပ်သပ်၊ သံတွဲသူ၊ မယ်ထွီးဂေါင်းမှာ၊ မြဆံထုံးကို၊ ထုံးပြန်လတ်ကေ၊ ချောမွတ်မွတ်နှင့်၊ ဥဒေါင်းကေအတောင်၊ ကျီးတောင်ဆံဆပ်၊ မယ်ရို့ဂေါင်းမှာ ပန်းမွှီးမွှီးနှင့်။
နားမှာကြည့်လည်း၊ ကလုတ်ကယင်၊ စီရင်တဖက်၊ သံတွဲသူ၊ မယ်ထွီးနားမှာ၊ မြနားဘက်နှင့်။ လက်မှာကြည့်လည်း၊ ဖောက်ဖီးပွင့်နွယ်လိမ်၊ ကျောက်မျက်စီ၊ မှန်စီတဖက်၊ ဘယ်ဖက်လက်နှင့်။ ညာဖက်လက်မှာ၊ ပြောင်ပြောင်လက်တေ။
ကိုယ်မှာကြည့်လည်း၊ သရက်ကေအကျ၊ မယူပန်းခက်၊ ဥဒေါင်းကြိုးကြာ၊ ကိန္နရာ၊ ရုပ်ပုံများစွာ၊ မယ်ဘာဇူမှာ၊ ရုပ်ပုံချလို့၊ သံတွဲသူ၊ ချစ်သမီးမှာ၊ ၀တ်လတ်တေ။
ခါးမှာကြည့်လည်း၊ မှင်းကျိုးပွင့်ထပိန်၊ အခြီသုံးဆင့်၊ မှင်းကျိုးပွင့်ကို၊ ၀တ်လတ်တေ။
ဒွါဒရာ၊ မောက်ကာခါးကြိုး အဖျားစိုင်မှာ၊ ရွှီခြည်ထိုး။ ခါးကြိုးတရပတ်၊ ပန်းပုံချပ်။ မြဲပါစီချင်၊ ခယောက်ငင်။ ဒေါ်ပင်ပင်၊ ဒေါ်ပင်သီသပ်၊ ခါးကြိုးမွှီးကို၊ အောက်ကချပ်တေ။ သံတွဲသူ၊ ချစ်သမီးမှာ၊ ၀တ်လတ်တေ။

ဟော့ဟန်းမရယ်၊ သံတွဲသူ၊ ချစ်သူရယ်ကေ၊ ခပြုံးရယ်။ တခါရယ်၊ ငါးဆယ်တန်ယင့်။
ကုလားမရမာ၊ လူတာတသီး၊ သံတွဲသူကို၊ သတင်းမီးရေ။
ကုလားမရမာ၊ မြင်သမျှလူ၊ သံတွဲသူ၊ မယ်ကိုမြင်ကေ၊ နှလုံးပူ။
ညှိုးညှိုးငယ်ငယ်၊ သံတွဲသူကား၊ သံတွဲမြို့ကို၊ အိမ်သာယာက၊ ထွက်ခရေ။ အိမ်သာယာက၊ ဆင်းခရေ။
မချီချင်၊ ချီချင်ဖ၀ါး၊ ကမ်ဖာမြီမှာ၊ ကင်းနှယ်တွား။
တို့တီတီ၊ တို့တီတို့တွတ်၊ ကြက်တည်ကျင်လေ၊ မြီမှာယက်ယောင်။
အယွေရောက်မ၊ ဘုရားဖူးဇောင်၊ မလားလား။
ရောက်မအယွေ၊ ဘုရားဖူးဇောင်၊ လားကတ်မည်။
လာလဲလေ၊ လာလဲမယ်ယေ၊ ဂူတော်တိုက်ကို၊ လားကတ်မည်။ ရင်ဝလေးတောင်၊ ဇောက်သျှစ်တောင်၊ ရောင်တော်ညီးညီး၊ ဂူတော်တိုက်မှာ၊ မြတ်သျှင်ပင်လေ၊ ဘုရားကြီး။ လာလဲလေ၊ လာလဲမယ်ယေ၊ မြတ်သျှင်ပင်ကို၊ ဖူးကတ်မည်။
သံတွဲသူ၊ ချစ်သူမြူးပျော်၊ သံတွဲမြို့မှာ၊ ကျူးလို့ခေါ်ရေ။ ရှိကကြည့်လည်း၊ ရှိကဗိုလ်ကျိုင်၊ သံတွဲသူမှာ။ ရွီမနိုင်။
နောက်ကကြည့်လည်း၊ နောက်ကဗိုလ်ကျိုင်၊ သံတွဲသူမှာ၊ ရွီမနိုင်။
ဗိုလ်ကျိုင်ကျိုင်၊ ဗိုလ်ကျိုင်အကြား၊ မချီချင်၊ ချီချင်ဖ၀ါး၊ သံတွဲသူ၊ ချစ်သူဖ၀ါး၊ ကမ်ဖာမြီမှာ၊ ကင်းယောင်တွား။ တို့တီတီ၊ တို့တီတို့တွတ်၊ ကြက်တည်ကျင်လေ၊ မြီမှာယက်ယောင်။
ဗိုလ်ကျိုင်ကျိုင်၊ ဗိုလ်ကျိုင်အကြား၊ ဇင်္ကြန်လမ်းကို၊ လျှောက်လှမ်းလားရေ။
လားတုံလားတုံ၊ လားငြားတုံ၊ လားစိုင်လားစိုင်၊ လားငြားစိုင်၊ လားစိုင်တုံမြောက်၊ ဂူတော်တိုက်မှာ၊ ဇီတေ့ရောက်တေ။

ပန်းတံမင်းသား၊ လူလှမောင်မှာ၊ ကျောင်းခြီတထောင်၊ ပိုင်ရေဘုန်းကြီး၊ မြတ်လေးလွမ်းကြင်၊ ဂူတော်တိုက်မှာ၊ ရွှီကျောင်းသျှင်၊ အသျှင်ဘုန်းကြီး၊ သံစည်ကြောင်၊ ညောင်ညောင်တီး။
ဘုန်းကြီးမြတ်မွန်၊ နာမည်ကောင်းကေ၊ ၀ိဟာစံ။ အသျှင်နောက်က၊ ပန်းတံမင်းသား၊ လူလှမောင်မှာ၊ ကိုယ်ကြပ်မကွာ၊ ပါလီရေ။
ကျောင်းတလင်းမှာ၊ ပန်းတံမင်းသား၊ လူလှမောင်၊ မောင်တာညှိုးငယ်၊ သူငယ်ချင်းနှင့်၊ ဒိုးတလင်းမှာ၊ ဒိုးထိုးရေ။ ကျောင်းတလင်းမှာ၊ အံလူးရေ။
နှမမယ်၊ မယ်လေလာဆိုက်၊ မောင်လာခိုက်၊ မျက်ရစ်လုံးဆုံ၊ ကျောင်းတလင်းမှာ၊ ဇိတေ့ကြုံ။
မောင်ကိုကို၊ မောင်ကိုမြင်လို့၊ ကျီးကန်းရွီမှာ၊ ငှက်ဝါတကောင်၊ ကျသို့ယောင်။
ခပြီခပြုံး၊ သံတွဲသူမှာ၊ မြပ၀ါကို၊ သွားမှာဖုံး။ ခပြုံးရယ်သွင်၊ မောင်ကိုမြင်ကေ၊ ရယ်မှုဆင်။

အသူ့ရင်သွီး၊ ပါးတံရင်းမှာ၊ ညှင်းယင်ပြီးကေ၊ မယ့်မောင်ကြီး။
မောင်တာဒါ၊ မောင်ဒါလွှတ်လွှတ်၊ မိစိုင်လာနှင့်၊ ဖစိုင်လာကို၊ ပြောပြလတ်။
ပန်းတံမင်းသား၊ လူလှမောင်က၊ ဇောင်စကားကို၊ ကြားရေနိက၊ ခပြီခပြုံး၊ ပန်းတံမင်းသား၊ လူလှမောင်မှာ၊ ပုဝါချေကို၊ သွားမှာဖုံး။
ခပြုံးရယ်သွင်၊ သူ့ကိုမြင်ကေ၊ ရယ်မှုဆင်။ ငါတာတာ၊ ငါတာကိုယ်တိုင်၊ မိစိုင်လာနှင့်၊ ဖစိုင်လာကို၊ မပြောနိုင်။ မိစိုင်လာနှင့်၊ ဖစိုင်လာကို၊ သိချင်ကေလေ၊ သိချင်သို့သော်၊ ကျောင်းခြီတထောင်၊ ပိုင်ရေဘုန်းကြီး၊ မြတ်လေးလွမ်းကြင်၊ ဂူတော်တိုက်မှာ၊ ရွှီကျောင်းသျှင်။
အသျှင်ဘုန်းကြီး၊ သံစည်ကြောင်၊ ညောင်ညောင်တီး။ ဘုန်းကြီးမြတ်မွန်၊ နာမည်ကောင်းကေ၊ ၀ိဟာစံ။ မိစိုင်လာနှင့်၊ ဖစိုင်လာကို၊ သိချင်ကေလေ၊ ရွှီကျောင်းသခင်၊ အသျှင်မြတ်ကို၊ မီးကြည့်လီ။
ငါတာတာ၊ ငါတာကိုယ်တိုင်၊ မိစိုင်လာနှင့်၊ ဖစိုင်လာကို၊ မပြောနိုင်။

ရယ်ပြုံးရယ်ပြုံး၊ သံတွဲသူ၊ ငယ်မျောက်သားက၊ ကျောင်းသာယာကို၊ တက်ခရေ။
ရွှီစလောင်းနှင့်၊ အသျှင်မြတ်ကို၊ ဆွမ်းကောင်းမယ်ထွီး၊ လောင်းလီရေ။
ငွေစလောင်းနှင့်၊ ဆွမ်းကောင်းမယ်ထွီး၊ ပန်းဇင်းပျိုကို၊ လောင်းလီရေ။
ရွှီစလောင်းနှင့်၊ ဆွမ်းကောင်းလောင်းပြီး၊ ရင်ဝလေးတောင၊် ဇောက်သျှစ်တောင်၊ ရောင်တော်ညီးညီး၊ ဂူတော်တိုက်မှာ၊ ဘုရားကြီး။
ပန်းမကောင်းလည်း၊ ပန်းကောင်မယ်မှာ၊ တင်လတ်တေ။
ဆုမကောင်းလည်း၊ ဆုကောင်းမယ်မှာ၊ တောင်းလတ်တေ။
ဆုကောင်းတောင်းပြီး၊ ပန်းတင်ပြီးခါ၊ နီလဲခညို၊ ညချမ်းနီမှာ၊ တောင်ရိပ်ခို၊ ဂြိုးညိုအိပ်ဆိုက်၊ ကူတော်တိုက်မှာ၊ ညလည်းမိုက်။
မယ်ထွီးလားချိန်၊ ညချမ်းနီမှာ၊ ပိုးပွင့်ချိန်။
လားချိန်တန်၊ လားစိုင်မယ်ရို့၊ လွမ်းလို့ကြင်၊ နို့သျှင်မိနှင့်၊ နို့သျှင်ဖက၊ ဒေါ်လာပျာလို့၊ တန်းကိုလက်ကိုင်၊ တိုင်ကိုလက်ဆွဲ၊ နွဲ့ကောင်းသာဖွယ်၊ သံတွဲမြို့က၊ မျှော်ယင့်မည်။

လက်ခြီဆယ်ချောင်း၊ သံတွဲသူမှာ၊ ဆုံစွာပေါင်း၊ လက်ကောက်ရုံ့တံ၊ု ကြာမုံအဆင်၊ ဆယ်ချောင်းလက်ကို၊ ဦးထိပ်တင်။
ကိုယ်ပင်ပင်၊ ကိုယ်ပင်ရိုကျိုး၊ ရွှီကျောင်းသခင်၊ အသျှင်မြတ်ကို၊ ရှိမိုးခိုး။
ရွှီကျောင်းသခင်၊ အသျှင်လွှတ်လွှတ်၊ မိစိုင်လာနှင့်၊ ဖစိုင်လာကို၊ ပြောပြလတ်။
ရွှီကျောင်းသခင်၊ အသျှင်ခုဝေ၊ မိစိုင်လာနှင့်၊ ဖစိုင်လာကို၊ ပြောပြရေ။
အရှိမဏ္ဍိုင်၊ ကိုးမြို့ပိုင်၊ ရခိုင်ခိုင်၊ ရခိုင်မြို့စား၊ နန်းတောင်ညာမှာ၊ စံကာဖွားကေ၊ ဘုရင်သား။
ဆံထုံးကွင်းချွတ်၊ နဘီဝတ်၊ ချောမွတ်ရွှီရောင်။ ရခိုင်ကျွန်းမှာ၊ ပန်းတံမောင်ချင့်၊ နင့်မျောက်သားချင့်၊ နင်မသိလား။ ဇောင်စကားကို၊ ကြားရေနိက၊ သံတွဲသူ၊ မယ်တာ အားပါးရလီရေ။

နှမမယ်၊ မယ်လေလာခိုက်၊ မောင်လာဆိုက်။ မျက်ရစ်လုံးဆုံ၊ ကျောင်းတလင်းမှာ၊ ဇီတေ့ကြုံခါ၊ ပန်းတံမင်းသား၊ လူလှမောင်၊ ကျောင်းတလင်းမှာ၊ ဒိုးထိုးရေ၊၊
ကျောင်းတလင်းမှာ၊ အံလှူးရေ။
သံတွဲသူမှာ၊ မောင်ကိုယ်ကို၊ မောင်ကိုမြင်လို့၊ ကပြီကပြုံး၊ မြပုဝါကို၊ သွားမှာဖုံး။
ကပြုံးရယ်သွင်၊ မောင်ကိုမြင်ကေ၊ ရယ်မှုဆင်။
အရှိမဏ္ဍိုင်၊ ကိုးမြို့ပိုင်၊ ရခိုင်ခိုင်၊ ရခိုင်မြို့စား၊ နန်းတောင်ညာမှာ၊ စံကာဖွားကေ၊ ဘုရင့်သား။
ဆံထုံးကွင်းချွတ်၊ နဘီဝတ်၊ ချောမွတ်ရွှီရောင်၊ ရခိုင်ကျွန်းမှာ၊ မျောက်သားမောင်၊ မယားလျာ၊ သားလျာမောင့်မှာ၊ ဟိရေလား။
မယားလျာ၊ သားလျာစမ်းလည်း၊ သံတွဲမြို့မှာ၊ စမ်းခလေ့။
ဇောင်စကားကို၊ ကြားရေအခါ၊ ပန်းတံမင်းသား၊ လူလှမောင်မှာ၊ ကပြီကပြုံး၊ ပုဝါချေကို၊ သွားမှာဖုံး။ ကပြုံးရယ်သွင်၊ မယ်ကိုမြင်ကေ၊ ရယ်မှုဆင်။
သံတွဲသူ၊ ငယ်မျောက်သားဝေ၊ ချစ်လိပ်ပြာစင်၊ မောင်စကားကို၊ ရွှီနားတင်၊၊
တလင်္ဂုနီ၊ စနီရန်ဖက်၊ ဒေါ်နှင့်မောင်မှာ၊ တဂြက်ဂြက်။ ရက်ကမသင့်။ အရီးကေအသျှင်၊ အခင်ပင် မသနား၊ ဒေါ်နှင့်မောင်ကို၊ သံတွဲမြို့နှင့်၊ ရခိုင်မြို့မှာ၊ ခွဲလို့ထားရေ။
ဘဇောင်ကြံကေ၊ ၀ါးတလုံးမှာ၊ ကုန်းချင်းနံပြိုင်၊ အတူထိုင်၊ ရွှီလိုင်ကိုဆွဲ၊ သံတွဲမြို့နှင့်၊ ရခိုင်မြို့မှာ၊ ပျော်ရမည်။ ပန်းတံမင်းသား၊ လူလှမောင်၊ မောင်တာစကား၊ ပြောလိုက်တေခါ၊ သံတွဲသူ၊ ငယ်မျောက်သားက၊ အမိမကြိုက်၊ ဟိလီပတ်စီ၊ အဖမကြိုက်၊ ဟိလီပတ်စီ၊ နှစ်ပါးကြိုက်သူ၊ သဘောတူကေ၊ ယူလီဖို့ရာ။ လာရာလာလတ်၊ မောင်တယောက်ကို၊ လက်မလွှတ်။
ဇောင်ပိုင်ပိုင်၊ ဇောင်ပိုင်ခုဝေ၊ ဇောင်စကားကို၊ သံတွဲသူမှာ၊ ပြောလီရေ။ ယင်းပိုင်ဆိုပြီး၊ သံတွဲသူ၊ ငယ်မျောက်သားကား၊ သံတွဲမြို့ကို၊ ပြန်လီရေ။

အခြီဝင်းဝင်း၊ ကြက်မင်းလည်းတွန်၊ သံတွဲမြို့မှာ၊ မိုးလင်းပြန်ခါ၊ ပန်းတံမင်းသား၊ လူလှမောင်မှာ၊ သံတွဲသူ၊ ငယ်မျောက်သားထံ၊ လားလီရေ။
အသီးတိုတောင်း၊ ဗိုင်းဝင့်ရာနှင့်၊ ခြည်ဖြတ်ရာမှာ၊သံခြည်ခေါင်း၊ နှစ်ပါးစံပါယ်၊ ဒေါ်နှင့်မောင်မှာ၊ ခြည်ခေါင်း မောင်နှင့်မှုတ်ကတ်တေ။ ခနဲစကား၊ ဘားဇီစကား၊ ပြောလီရေ။
ခုနှစ်ကယ်ရက်၊ သျှစ်ရက်စိလို့၊ ဥဒရာဇ်စံပါယ်၊ မြုံပြည်ရပ်က၊ ဇရပ်ကျိုးနှင့်၊ သီကျိုးနာမည်၊ မြုံပြည်ရပ်က၊ ပင့်ဆိုင်းရေ။
ခုနှစ်ကယ်ရက်၊ သျှစ်ရက်စိကေ၊ ပန်းတံမင်းသား၊ လူလှမောင်မှာ၊ ရွှီကျောင်းသခင်၊ အသျှင်နောက်က၊ ကိုယ်ကြပ်မကွာ၊ မြုံပြည်ရပ်ကို၊ လားရမည်။
ဇောင်စကားကို၊ ပန်းတံမင်းသား၊ လူလှမောင်မှာ၊ သံတွဲသူ၊ ချစ်မျောက်သားကို၊ ပြောလီရေ။
သံတွဲသူ၊ ချစ်မျောက်သားဝေ၊ ဇရပ်ကျိူးနှင့်၊ သီကျိုးနာမည်၊ ဥဒရာဇ်စံပါယ်၊ မြုံပြည်ရပ်က၊ ပင့်ဆိုင်းရေ။
ကျောက်ဂူဘုရား၊ ခုနှစ်ပါးလည်း၊ တည်လိမ့်မည်။ သဲဇာတီလည်း၊ တည်လိမ့်မည်။ အကောက်တထောင်၊ ၀င်္ဂပါလည်း၊ တည်လိမ့်မည်။ ချောင်းကြီးလဟာ၊ မကူးသာ၊ ချောင်းငယ်ပျက်လက်၊ တန်းထားပျက်ကို၊ ဆင်လိမ့်မည်။ အတောင်သုံးဆယ်၊ တင်းခွန်ရှည်ကို၊ လွှင့်လိမ့်မည်။
မြုံပြည်အရပ်က၊ ပင့်ထားရေ။ များများမကြာ၊ မြုံပြည်အရပ်မှာ၊ သုံးနှစ်တာ၊ ငါတာခုဝယ်၊ ရွှီကျောင်းသခင်၊ အသျှင်နောက်က၊ ကိုယ်ကြပ်မကွာ၊ မြုံပြည်အရပ်ကို၊ လားရဖို့ယာ။
ဇောင်စကားကို၊ ကြားရေနိက၊ မယ်တာတရီး၊ သံတွဲသူမှာ၊ ကြောင်းကြကြီးရေ။
ဘဇောင်ကြံကေ၊ မြုံပြည်ရပ်ကိ၊ု လားနိုင်မည်။
လားပြန်ကေလည်း၊ မြုံမင်းသမီး၊ အထွီးလှစွာ၊ နာမည်ထားကေ၊ ပန်းနီလာ။
အသက်သုံးဆယ်၊ အရွယ်တိုင်ပြီး၊ ပန်းနီလာကို၊ လင်မပီး။
သူ့လင်မြင်ကေ၊ ဖျက်တတ်တေ။ သူ့သားမြင်ကေ၊ ဖျက်တတ်တေ။
ဖျက်တေအစစ်၊ ပန်းနီလာမှာ၊ မြုံပြည်ဈီးမှာ၊ ကွမ်းမျက်ချစ်နှင့်၊ မောင်ကိုမြင်လီ၊ ကပြီကပြုံး၊ မြပ၀ါကို၊ သွားမှာဖုံး။ ကပြုံးရယ်သွင်၊ မောင်ကိုမြင်ကေ၊ ရယ်မှုဆင်ဖို့။ ရယ်မှုလည်းဆင်၊ ယင်းခါမချို့၊ မြုံပြည်ရပ်မှာ၊ ပန်းနီလာနှင့်၊ ပျော်လီဖို့။
သူ့ဓါးကိုကိုင်၊ သူ့အပိုင်။ သူရီကိုသောက်၊ သူ့လက်အောက်။ အရာတဖန်၊ သံထန်ပြန်လို့၊ မယ်ထံပါးသို့၊ ရောက်ခဲဖို့။
ဇောင်ပိုင်လည်းဆို၊ သံတွဲသူမှာ၊ ငိုလည်းငို။
သံတွဲသူ၊ ချစ်မျောက်သားဝေ၊ တပြည်ပြည်၊ တပြည်ကားကွဲ၊ မောင်တယောက်ကို၊ မကြောင့်ကြကဲ့။ ထပိန်တိုတောင်း၊ ရိုင်းသူမမှာ၊ ၀ါးနဒေါင်းနှင့်၊ စကားကိုထက်၊ ဘားဇီကိုပင်၊ ပန်းနီလာကို၊ မပြောချင်။ တဖဲ့ကေ၊ တဖဲ့ကိုမျှ၊ သံတွဲသူ၊ ငယ်မျောက်သားဝေ၊ မကြောင့်ကြကဲ့။ များများမကြာ၊ မြုံပြည်ရပ်မှာ၊ သုံးနှစ်တာ။ ဒန်းစိထိုက်ထံ၊ သံတွဲသူ၊ ငယ်မျောက်သားမှာ၊ ရွှီဖျာထက်မှာ၊ ပျိုးထားပြန်။ ဒန်းစိလည်းပေါက်၊ သံတွဲမြို့မှာ၊ မောင်လည်းရောက်ဖို့။
ဇောင်ပင်တရီး၊ သံတွဲသူ၊ ချစ်မျောက်သားမှာ၊ မယုံသီး။
မဟုတ်ကေလဲ့၊ သံတွဲသူ၊ ချစ်မျောက်သားဝေ၊ နှစ်ပါးစံပါယ်၊ ဒေါ်နှင့်မောင်မှာ၊ သစ္စာခွင်ကို၊ တက်ကတ်မည်။ ဒါးရှည်လှံရှည်၊ မညောင်းရှည်၊ ဒါးရှည်စုံမြောက်၊ ဒေါ်နှင့်မောင်၊ သစ္စာခွင်မှာ၊ မိုးကြိုးကျောက်နှင့်၊ ကျောက်ခုံးတိုင်၊ သံတိုင်အကြား၊ ဒေါ်နှင့်မောင်မှာ၊ သစ္စာထား၊ ကျောက်ခုံးတိုင်၊ သံတိုင်ကျိုးလည်း၊ ကျိုးလီပတ်စီ၊ မောင်ထွီးသစ္စာ၊ မြုံပြည်ရပ်မှာ၊ပန်းနီလာနှင့်၊မယွင်းပါ။
ဇောင်ပိုင်ပိုင်၊ ဇောင်ပိုင်လည်းဆို၊ ဒေါ်နှင့်မောင်၊ သစ္စာမောင်နှင့်၊ ထားလီရေ။
ဒန်းစိထိုက်တန်၊ ရွှီကျေက်ဖျာမှာ၊ သံတွဲသူမှာ၊ ပျိုးထားပြန်။
ခုနှစ်ကေရက်၊ သျှစ်ရက်စိလို့၊ ရွှီကျောင်းသခင်၊ အသျှင်နောက်က၊ တောင်မွိခြင်းခြင်း၊ ပန်းတံမင်းသား၊ လူလှမောင်မှာ၊ ယပ်တစင်းနှင့်၊ သပိတ်အိုးလိုင်လွယ်၊ ရွှီကျောင်းသခင်၊ အသျှင်နောက်က၊ မြုံပြည်အရပ်ကို၊ လိုက်ခရေ။
လားစိုင်လားစိုင်၊ လားငြားစိုင်၊ လားစိုင်တုံမြောက်၊ မြုံပြည်ရပ်မှာ၊ ဇီတေ့ရောက်တေ။
မြုံပြည်ရပ်မှာ၊ ဇီတေ့ရောက်ခါ၊ အကောက်တထောင်၊ ၀င်္ကပါ၊ သျှစ်သောင်းလေးထောင်၊ တည်လီရေ။ သဲဇာတီလည်း၊ တည်လီရေ။ ကျောက်ဂူဘုရား။ ခုနှစ်ပါးလည်း၊ တည်လီရေ။ ချောင်းကြီးလဟာ၊ မကူးသာ၊ ချောင်းငယ်ပျက်လက်၊ တန်းထားပျက်ကို၊ ဆင်လီရေ။ အတောင်သုံးဆယ်၊ တင်းခွန်ရှည်ကို၊ လွှင့်လီရေ။
များများမကြာ၊ ပန်းတံမင်းသား၊ ရွှီကျောင်းသခင်၊ အသျှင်နောက်က၊ မြုံပြည်ရပ်မှာ၊ သုံးနှစ်ကြာရေ။ သုံးနှစ်ကြာခါ၊ မြုံမင်းသမီး၊ အထွီးလှစွာ၊ နာမည်ထားကေ၊ ပန်းနီလာ။
နှမမယ်၊ မယ်လေလာခိုက်၊ မောင်လာဆိုက်၊ မျက်ရစ်လုံးဆုံ၊ ပန်းနီလာနှင့်၊ ပန်းတံမင်းသား၊ လူလှမောင်မှာ၊ မြုံပြည်ဈီးမှာ၊ ဇီတေ့ကြုံ။
မောင်ကိုယ်ကို၊ မောင်ကိုမြင်လို့၊ ကပြီကပြုံး၊ မြပ၀ါကို၊ သွားမှာဖုံး၊ ကပြုံးရယ်သွင်၊ မောင်ကိုမြင်၊ ပန်းနီလာမှာ၊ ရယ်မှုဆင်။
ကျီးကန်းရွီမှာ၊ တုတ်ကျာတကောင်၊ ကျသို့ယောင်၊ အသူ့ရင်သွီး၊ ပါးတံရင်းမှာ၊ ညှင်းယင်ပြီးကေ၊ အသူ့သွီးလဲ။ မောင်တာဒါ၊ မောင်တာလွတ်လွတ်၊ မယ်ကိုချစ်ကေ၊ မိစိုင်လာနှင့်၊ ဖစိုင်လာကို၊ ပြောပြလတ်။
ဇောင်ပိုင်ပိုင်၊ ဇောင်ပိုင်လည်းဆို၊ ပန်းနီလာမှာ၊ မီးလီရေ။ ဇောင်စကားကို၊ ကြားရေခါက၊ ပန်းတံမင်းသား၊ လူလှမောင်မှာ၊ ကပြီကပြုံး၊ မြပ၀ါကို၊ သွားမှာဖုံး။ ကပြုံးရယ်သွင်၊ မယ်ကိုမြင်ကေ၊ ရယ်မှုဆင်။
ငါပင်ကိုယ်တိုင်၊ မိစိုင်လာနှင့်၊ ဖစိုင်လာကို၊ မပြောနိုင်။ မိစိုင်လာနှင့်၊ ဖစိုင်လာကို၊ သိချင်ကေလည်း၊ ကျောင်းခြီတထောင်၊ ပိုင်ရေဘုန်းကြီး၊ မြတ်လေးလွန်းကြင်၊ ဂူတော်တိုက်မှာ၊ ရွှီကျောင်းသျှင်၊ အသျှင်ဘုန်းကြီး၊ သံစည်ကြောင်၊ ညောင်ညောင်တီး။ ဘုန်းကြီးမြတ်မွန်၊ နာမည်ကောင်းကေ၊ ၀ိဟာစံ။ ပန်းနီလာ၊ ချစ်သူမယ်ဝေ၊ ရွှီကျောင်းသခင်၊ အသျှင်မြတ်ကို၊ မိစိုင်လာနှင့်၊ ဖစိုင်လာကို၊ မီးကြည့်လီ။
ပန်းနီလာ၊ ချစ်သူမနီ၊ ရွှီကျောင်းသခင်၊ အသျှင်ထံကို၊ တက်ခရေ။
လက်ခြီဆယ်ချောင်း၊ ပန်းနီလာမှာ၊ ဆုံစွာပေါင်း။ လက်ကောက်ရုံ့တုံ၊ ကြာမုံအဆင်၊ ဆယ်ချောင်းလက်ကို၊ ဦးထိပ်တင်။ ကိုယ်ပင်ပင်၊ ကိုယ်ပင်ရိုကျိုး၊ ပန်းနီလာမှာ၊ အသျှင်မြတ်ကို၊ ရှိမိုးခိုးရေ။
ရွှီကျောင်းသခင်၊ အသျှင်လွတ်လွတ်၊ တပည့်မောင်၊ မိစိုင်လာနှင့်၊ ဖစိုင်လာကို၊ ပြောပြလတ်။ ရွှီကျောင်းသခင်၊ အသျှင်ခုဝေ၊ တပည့်မောင်၊ မိစိုင်လာနှင့်၊ ဖစိုင်လာကို၊ ပြောလီရေ။
အရှိမဏ္ဍိုင်၊ ကိုးမြို့ပိုင်၊ ရခိုင်ခိုင်၊ ရခိုင်မြို့စား၊ နန်းတောင်ညာမှာ၊ စံကာဖွားကေ၊ ဘုရင်သား။ ဆံထုံးကွင်းချွတ်၊ နဘီဝတ်၊ ချောမွတ်ရွှီရောင်၊ ရခိုင်မြို့မှာ၊ ပန်းတံမောင်ချင့်။
ဇောင်စကားကို၊ ကြားရေခါက၊ ပန်းနီလာကား၊ မောင်ဟိရာကို၊ လားလီရေ။ နဘေးဖြူ၊ ချစ်သူမောင်ဝေ၊ မယားလျာ၊ သားလျာမောင့်မှာ၊ ဟိရေလား။ မယားလျာ၊ သားလျာစမ်းလည်း၊ မြုံပြည်ရပ်မှာ၊ စမ်းခလေ့။
ဇောင်ပိုင်ပိုင်၊ ဇောင်ပိုင်စကား၊ ပန်းနီလာမှာ၊ ပြောလီရေ။ စကားကိုထား၊ ဘားဇီကိုပင်၊ ပန်းနီလာကို၊ မပြောချင်။ မပြောချင်လည်း၊ သူ့ဒါးကိုကိုင်၊ သူ့အပိုင်။ သူ့ရီကိုသောက်။ သူ့လက်အောက်။ မချစ်ကေလည်း၊ အောင့်ကာနမ်းရေ။
ဇောင်ပိုင်ပိုင်၊ ဇောင်ပိုင်ဆိုလည်း၊ ယခုတိုင်တိုင်၊ ပန်းနီလာ၊ ချစ်မျောက်သားဝေ။ မြုံပြည်ရပ်မှာ၊ မနီနိုင်။ ငါတာခုဝယ်၊ ရခိုင်မြို့ကို၊ ပြန်ရမည်။ ရခိုင်မြို့ကို၊ ပြန်ပြန်ကေလဲ့၊ နောက်နောင်တခါ၊ မြုံပြည်ရပ်ကို၊ ရောက်သောခါ၊ ပန်းနီလာ၊ ချစ်မျောက်သားကို၊ ထိမ်းမြားမည်ရာ။
ဇောင်စကားကို၊ ကြားရေခါ၊ ဇောင်ပိုင်တရီး၊ ပန်းနီလာမှာ၊ မယုံသီး။ ဥဒေါင်းတကောင်၊ အတောင်သတ်လို့၊ ငါရောက်ပြန်ကေ၊ မြုံပြည်ရပ်မှာ၊ တွန်လိမ့်မည်။ ဥဒေါင်းတကောင်၊ ထိုက်ထံပြီးကေ၊ ပန်းနီလာကို၊ အပ်လီရေ။
ဇောင်ပိုင်ပိုင်၊ ဇောင်ပိုင်တရီး၊ ပန်းတံမင်းသား၊ လူလှမောင်မှာ၊ ရွှီကျောင်းသခင်၊ အသျှင်မြတ်နှင့်၊ သုံးနှစ်စိကေ၊ တောင်မွိခြင်းခြင်း၊ ယပ်တစင်းနှင့်၊ သပိတ်လိုင်လွယ်၊ ရခိုင်မြို့ကို၊ ပြန်ခရေ။

သုံးနှစ်စိလည်း၊ သံတွဲသူမှာ၊ တနိတခါ၊ တလတခေါက်၊ ဒန်းစိပေါက်ကို၊ ကြည့်လီရေ။
ဒန်းစိလည်းပေါက်၊ သံတွဲမြို့ကို၊ မောင်လည်းရောက်မည်။
အသူလာရေ၊ သံတွဲမြို့က၊ ခွီးဟောင်ရေ။ ပန်းတံမင်းသား၊ လူလှမောင်၊ မောင်တာလာရေ၊ သံတွဲမြို့မှာ၊ ခွီးဟောင်ရေ။
သံတွဲသူ၊မယ်တာမျက်စိ၊ပန်းတံမင်းသား၊ မျောက်သားမောင်ကို၊ မြင်ခီမိ။
ဇောင်ပိုင်ပိုင်၊ ဇောင်ပိုင်ဆိုလို့၊ နှစ်ပါးစံပါယ်၊ ဒေါ်နှင့်မောင်၊ သံတွဲမြို့နှင့်၊ ရခိုင်မြို့မှာ၊ ၀ါးတလုံးမှာ၊ ကုန်းချင်းနံပြိုင်၊ အတူထိုင်၊ ရွှီလိုင်ကိုဆွဲ၊ ဒေါ်နှင့်မောင်ရို့၊ ပျော်ရမည်။ ပန်းတံမင်းသား၊ လူလှမောင်ဝေ၊ မိသအိုနှင့်၊ ဖသအိုကို၊ ခေါ်ပြီးကေလည်း၊ သံတွဲသူ၊ ချစ်မျောက်သားကို၊ ဆိုခလေ့။

(ပဒေ) = အခွင့်

(အဆက်ဟိပါသိမ့်သည်။ ၀တ္ထုမှာ ၀တ္ထုရှည်ဖြစ်ပါသည်။ ပီစောင်မှတဆင့်ကူးယူခြင်းမဟုတ်ပါ။ နှုတ်တိုက်ရွတ်ဆိုသည်ကို ပြန်ရွီးထားခြင်းဖြစ်ပါသည်။ ပီမူတိုက်ရိုက်မဟုတ်သော်လည်း ပီမူမှတဆင့်ကူးထားသောလက်ရွီးမူကို ထရီပူရတွင် ကိုယ်တိုင်မြင်ဖူးပါသည်။ ယခု လုံးချင်းဝတ္ထုအရွယ်အထူဟိပါသည်။ ပီင်္အဂါဆိုလျှင် အင်တန်များများဟိမည်ဟု ခန့်မှန်းရပါသည်။)
ရက္ခိတရို့ ဆုံရပ်မြီမှကူးယူဖေါ်ပြပါရေ။

မင်းပြားမြို့  စာကြည့်တိုက်၊ ကွန်ပျူတာအခန်း အလှူ

မြောက်ဥိးမြို့ မှ သမိုင်းဝင် အဓိကနေရာများ

ဘုရားများလှ လေးဌာန
--------------------------
သျှစ်သောင်း ။အံတော်သိမ် ၊ ထုက္ကန့်သိမ် ၊ ကိုးသောင်း ။


သုံးဝမြတ်ပန်း
----------------
လောင်ပွန်းပြောက် ၊ ပန်းကုံးသိမ် ။ ပန်းဈီးမြောင်သျှင်ပင် ။

မူကားလေးမူ
--------------
မြင်တော်မူ ၊ ထင်တော်မူ ၊ မျှော်တော်မူ ၊ ပေါ်တော်မူ (ဘုရားပေါ်ဘုရားကြီး )။


ဂူကိုးလုံး
--------
ရွှေဂူကြီး ၊ သိမ်ကြီးရွှေဂူ ၊ ဗောဓိရွှေဂူ ၊ မင်္ဂလာဓာတ်ရွှေဂူ ၊မိဖုရားကြီးရွှေဂူ ၊ သကျရွှေဂူ ၊ ရတနာ့ရွှေဂူ ၊ ရွှေဂူစေတီ ၊ မင်းပေါင်းရွှေဂူ။


ရတနာခုနစ်ပါး
---------------
ရတနာပုံ ၊ ရတနာမာရ်အောင် ၊ ရတနာစံရွေး ၊ ရတနာမှန်ကင်း ၊ ရတနာဗိမာန် ၊ ရတနာသိမ် ၊ ရတနာရွှေဂူ ။


မာရ်ငါးပါး
------------
သကျမာင်္ရအောင် ၊ ရတနာမာရ်အောင် ၊ ဇိနမာရ်အောင် ၊ လောကမာရ်အောင် ၊ မင်္ဂလာမာရ်အောင်

မြို့တည်ငါးရပ်
--------------
လေးမျက်နှာ ၊ မုတ်ဆိတ်တော် ၊ မြတန်စောင်း ၊ ၀ီဇရံသီ ၊ မြို့တည်ဘုရား( ပုဏ္ဏားတောင်ခံတပ် )


မြောက်ဦးမြို့ခံတပ်ကြီးများ
------------------------------
အမြင့်တောင်ခံတပ် ၊ကြောင်လည်ဒုံခံတပ် ၊ ရဲလှခံတပ် ၊ ငွေတောင်ခံတပ် ၊ လေသာတောင်ခံတပ်၊ ဘားဘူတောင်ခံတပ် ၊၊ မြတောင်ခံတပ် ၊ အောင်မင်္ဂလာခံတပ် ၊ ပိန္နဲချောင်းခံတပ်

ကျီတော်များ
----------
ဝင်းမနားကျီတော် ၊ လေသာကျီတော် ၊ ပုဏ္ဏားမြောင်ကျီတော် ၊မျှော်တော်မူကျီတော် ၊ တစ်ဘက်ဆည်ကျီတော်ကြီး ၊ တစ်ဘက်ဆည်ကျီတော်ငယ် ၊ ရဲလှကျီတော်ကြီး ၊ ရွှံ့ပျော့ကျီတော်ကြီး ၊ ရီတံခါးကျီတော်ကြီး ၊ ရီတံခါးကျီတော်ငယ် ၊မောက်တော်ကျီတော် ၊ကြောင်လည်ဒုံကျီတော် ၊ ကြက်ပိတ်ကျီတော်ကြီး ၊ဘောင်းဒွတ်ကျီ ၊လေးမြို့စားကျီ ၊ ထမ္မရာဇ်ကျီ ၊ ကုလားကကျီ ၊ ဒိုင်းကျီ ၊ လောင်းကြက်ကျီ ၊ ရှင်ငယ်တက်ကျီ ၊ ပူဇာကျီ ၊ခေါင်းဖြူတော်ကျီ ၊ မီးသမကျီ ၊ မင်းသမီးမြောင်းကျီ ၊ ဘားဘူစာရကျီ ၊ ကြက်ဈီးသိမ်တော်ကျီ ၊ သစ်ချီတောင်မြောက်ဘက်ကုန်းကျီ ၊ လက်ကောက်ဈီးကျီ ။ပန်းကုံးသိမ်ကျီ ၊၀သဲကျီ ၊ ၀န်းတီးကျီ ၊ ကျီရာပြင်ကျီ ၊ မင်းဘားကျွန်းကျီ ၊ သရင်ပင်ကျီ ၊သရပ်ပင်ကျီ ၊ ဝေသာလီကျီ ၊ ပရိမ်ကျီ ၊ရွှေနတ်မြင်ကျီ ၊ မတိန်ကျီ


တံခါးများ
---------
ခြင်ကိုက်တံခါး ၊ မင်းသမီးတံခါး ၊ မှောက်တော်တံခါး ၊ မင်္ဂလာတံခါး ၊ ကွမ်းဈီးတံခါး ၊ ဆင်ဖြူတော်တံခါး ၊ ကြခတ်တံခါး ၊ ရွှေပေါက်ပင်တံခါး ၊ လက်ဆည်ကန်တံခါး ၊ စံကားတောင်တံခါး ၊ မောလိပ်တံခါး ၊ ကျက်ပိတ်တံခါး ၊ ၀င်းတော်အနောက်တံခါး


ကျုံးများ
---------
ရဲလှကျုံး ၊ ကျွဲတင်းတိမ်ကျုံး ၊အိုင်ဝန်းကန်ကျုံး ၊ ပုဆိုးဖွတ်ကျုံး ၊ ကြာခလောင်းကျုံး ၊ ကျားကိုက်သမကျုံး ၊ ပုဏ္ဏားမြောင်းကျုံး ၊အနူမကျုံး


ကန်များ
-------
အနူမကန် ၊ လက်ဆည်ကန် ၊ မောလိပ်ကန် ၊ ဒိုင်းကျီ်ကန် ၊ ဦးတော်ဆေးကန် ၊ သံသီကန်


တံတိုင်းများ
----------
နတ်ဒုံတံတိုင်း ၊ ကန်သုံးဆင့်တံတိုင်း ၊ မင်္ဂလာတံတိုင်း ၊ခြင်ကိုက်တံတိုင်း

ရခိုင်ဘုရားသံကျပ်ကြီး (အစ-အဆုံးပျောက်)

တောင်းဆုပန်ယူ ရှိသူဟောင်းရို့
သဒ္ဓါညွတ်ပျောင်း စေတနာ။

လူနတ်တကာ ကိုးကွယ်မှုကို
စေတီဓါတု တည်၍ပေ။

ကာလကြာရှည် ဟိချေလတ်က
အင်္ဂတေဇမ္ဘတ် မခိုင်ပါ။

အုပ်ချပ်များစွာ ယိုကာထွက်လို့
ပြိုကာကွဲအက် ဟိခါဝယ်။

ဆက်ဆက်ကြံစည် ကိုယ့်ပြည်ရပ်မှာ
ကိုယ်သာမချွတ် ပြုသင့်ပေ။

ဂါမကြီးကျယ် (နတွင်) ရပ်က
သဒ္ဓါထက်မြက် နိဗ္ဗာန်ဆော်။

(ဦးမြတိုး) ခေါ် လူပဏ္ဍိတ်မှာ
ဘရာနာပီတိ စေတနာ။

ညွတ်ပျောင်းသဒ္ဓါ ကြည်ရွှင်ပ၍
မဟာကုသလ ဇောစိတ်သန်။

ရွှီပြည်နိဗ္ဗာန် ကြံရွယ်ညောင်းလို့
သဒ္ဓါငွေမောင်း တီးခေတ်ဆော်။

ရပ် (သောင်းခေါင်မော်) ရွာဂါမတွင်
လှူဒါပုည ကုသလံ။

နိညမကျန် ကြံရည်ဆလို့
သဒ္ဓါရွှင်ပစေတနာ။

(ဦးလှထွန်းဘော်) တိုက်စာရေးနှင့်
ပေါင်းဖော်ဖက်တွဲ ပြုပြီးသကာ။

(ခေါင်းလောင်းတိုက်) ခေါ် မြေအ၀ှမ်းမှာ
(နရမ်း) ဂါမ ရပ်ဌာနေ။

ဓနရွှီငွေ အလွန်ပေါ
လယ်ယာကျွဲနွား စပါးဆန်။

ဂါယဗိမှာန် စံမညီးအောင်
ပြိုင်းသေတိုင်ကြီး မြိတ်မြိတ်ထောင်။

ဖြူပျိုင်ထောင် မှန်ပတင်းနှင့်
ခြွီရံသင်းပင်း ပြည့်စုံစွာ။

ကံဒါယကာ အမည်ရ
ထင်ပေါ်နာမ (ကျော်ထွန်းဖြူ)။

ပေါင်းဖော်အတူ ကျန်လူများနှင့်
တိုင်ပင်နှီးနှော ပြုပြီးသကာ။

ဓါတုဌာပနာ စေတီမြတ်ကို
အင်္ဂတေဇမ္ဘတ် သရွတ်မံ။

ရွှီဘိမ်းလိမ်းကျံ ရောင်လျှံညီး
ထက်ယံကြီးပန်း ဆင်ပြီးသော်။

ထိုမှတခါ သိမ်တော်ကြီးကို
မိုးယံနိဦး ဆောက်လတ်မည်။

တိုင်ပင်ကြံစည် ပြိုင်းသေများကို
ဝယ်ကာစုထား ပြီးသောအခါ။

ပျက်ပြားစေတနာ သဒ္ဓါဆုတ်လို့
ခွေခွာပယ်ဖြုတ် ထွက်လားရေ။

ခေါင်းလောင်းတိုက်နယ် ကျန်လူများရို့
ညီညာကြိုးစား ပြုစီမံ။

ပြဿဒ်ဘုံပျံ သိမ်တန်ဆောင်းကို
ကြံစည်စုပေါင်း ဆောက်သောခါ။

(စပါးထား) ခေါ် ရွာဂါမတွင်
ခေါ်တွင်နာမ (ဦးပေါက်ဆိန်)။

ဥစ္စာစည်းစိမ် ဂုဏ်သတင်းနှင့်
နိုင်ငံအတွင်း လွန်ကျော်ညာ။

ကျောင်းဒါယကာ ရွာသူကြီးမှာ
ခေမာခရီး ပြည်နိဗ္ဗူ၊

တောင်းဆုပန်ယူ ကြံရည်ဆလို့
ဥစ္စာဓန သဟဆောင်။

သပြာများမြောင် တထောင်ကျပ်ကို
သိမ်တော်ပြဿဒ် ဆောက်လုပ်ရန်။

လှူဒါန်းကောက်ခံ သံဖြူမိုးလို့
ပန်းစုံရုပ်မျိုး စီချယ်ကာ။

ဆောက်လုပ်ပြီးသော် ခြီတော်ရင်းမှာ
သမဏ္ဍလင်း ခင်း၍ပေ။

ဇောင်းတန်းတသွယ် အုပ်လှေကနှင့်
အံဖွယ်ဆန်းပြား တံတိုင်းရံ။

နီရပ်သာလယံ ရီကန်များနှင့်
ထူထောင်ကြိုးစား ပြီးအောင်မြင်။

ပွဲလမ်းသဘင် ခြီတော်ရင်းမှာ
စီမံခင်းကျင်း ပြုပြီးသကာ။

ကောင်းချိမ်းမင်္ဂလာ သြဘာပြု
နတ်လူသာထု သောင်းသောင်းခေါ်။

ဆယ်ချောင်းဟတ္ထာ ပန်ထွာမိုးရှိခိုးလို့ပါ။ ။

ရက္ခပူရီ ရွှီခိုင်တိုင်းမှာ
သမိုင်းမော်ကွန်း ထွန်းလင်းဖြာ၊
ခြောက်သွယ်ရောင်ဝါ -----။

(အပိုဒ်ပျောက်)

ရယ်ရွှင်ပျော်ပါး ဆိုစရာ၊

စီးကုံးပီးပါ တောင်းပန်ပြု
လို့ဆင်ခြီဝတ္ထု အဓိပ္ပါယ်။

ဤပွဲတော်လယ် ရောက်လာကြ
ယောက်ျားမိမ္မ အပေါင်းလူ။

သောတနှစ်ဆူ နာသာမှုကို
ကျွန်တော်ယခု ဆိုပြမည်။

ရှိကတီတေ လွန်လီရှိက
စိန္ဒေဗုဒ္ဓ လက်ထက်တော်။

အ၀န်းကိုးရာ မဏ္ဍလတွင်
တိုင်းကြီးနဂရ ၀ပြောစည်။

ကုသဒိန္ဒမေ ပြည်ဌာနမှာ
နိဇုမင်းဂါမ နီပျော်ရာ။

ဝင်္ဂမေခေါ် ဇနပုဒ်မှာ
အသက်မွီးမှု ကြမ်းကြုတ်စွာ။

စန္ဒမီခေါ် အမည်ရ
မျိုးလုတ္တက မုတ်ဆိုးကျော်။

ဇနီးကြင်ရာ မေဇာကနှင့်
ချစ်စဖွယ်တူကွ အိမ်ထောင်တည်။

ကာလမြင့်ရှည် ဟိချေလတ်က
အိမ်သူဇာက ဘရိယံမှာ။

ဂမ္ဘာကိုယ်ဝန် သန္ဓေရလို့
နိရက်ဆယ်လ စိသောအခါ။

သမီးသဲချာ စီတရကို
လူရို့ဘာဝ ဖွားသန့်စင်။

အထက်ကောင်းခင် တိမ်စင်လသို့
ရုပ်ရည်ရူပ လက္ခဏာ။

ငါးပါးအင်္ဂါ ပြည့်စုံလှ
ဒေ၀စ္ဆရ ပုံအနှယ်။

နတ်၏မျိုးနွယ် ပမာလားသို့
မိဘနှစ်ပါး လွန်ချစ်ခင်။

ပုခက်ဧယင် တင်လီကြ
အမည်နာမ မိဆာဝါ။

မိဘနှစ်ဖော် ဘွဲ့တော်ပီးလို့
ကောင်းစွာလုပ်ကျွေး မွီးမြူကာ။

(အပိုဒ်ပျောက်)

ဥဒေါင်းမောရ ဖြစ်ခယ့်ပေ။

သက်တော်သျှစ်ဆယ် ပြည့်ပြန်လတ်က
အသင်္ခတ မြို့သိဝှန်။

ရွှီပြည်မြို့တော် စံလွန်ပြုသော်
လိုင်ရိုးဓါတု တည်လိမ္မည်။

သုံးလုစိန္ဒေ ရွှီဂမုတ်ဖြင့်
အာလုတ်မြွက်ဟ မိန့်ခယ့်မှာ။

သမိုင်းအလာ ဟုတ်မှန်တိုင်းကို
မကျယ်မကျဉ်း ထုံးပုံသွယ်။

ဝတ္ထုဓိပ္ပါယ် နီဒေသနှင့်
ညွှန်းကာဖော်ပြ စာလင်္ကာ။

ရတုကဗျာ စီကာကုံး
ဆင်ခြီနိဂုံး ချုပ်ပြီးသကာ။

နှစ်ပေါင်းမြင့်ကြာ ရှိသူဟောင်းရို့
မွိလျှော်စံညောင်း ဤဓါတ်တော်။

ကွန့်မြူးရောင်ဝါ ဖူးမျှော်တွိ၍
မနောပျော်မွိ ပီတိဝင်။

ဂွမ်းဆီထိသွင် ပဏာမသို့
သဒ္ဓါရွှင်ပ စေတနာ။

စုပေါင်းညီညာ အုပ်ဂူကျောင်းရို့
ကြံစည်ဆုတောင်း ပြုပြီးသကာ။

ဓါတုဌာပနာ စေတီမြတ်ကို
သဒ္ဓါရိုညွတ် ဆည်းကပ်ပေ။

နိဗ္ဗာန်ရွှီပြည် ကြံရည်ညောင်းလို့
ဆုတောင်းကတ်လီ။ ။

နှပျိုးသီးကျာကျာ

နှပျိုးသီးကျာ ကျာ မှည့်လားယာ ၊ကြာဇံ လင်သျှာ ဆိုလားယာ ၊
ဆီးနန့် ကွမ်းယာ ၊အယင် ယူခ၊ စံလှဘွယ် ၊တောင်ဘက်က၊
တောင်ဘက်က အိမ်ရှင် ၊ မင်းကျိုးပင် ၊ပင်လီပင်သွတ် ၊
ရခိုင်ပြည်မှာ ၊လီသွတ်သွတ်နန့်၊ လက်စွပ်တစ်ခြွီ ၊ ပျော်ကခရေ ၊
ရှာရေမရ ၊ အသားညို ညို ၊လူပျိုလက်မှာ၊ ဘယ်ဘက်က၊
သမီးရအောင် ၊သားရအောင် ၊မဆောင်လီဂေ့၊ အချိန်တန် သင်္ကြန်လမှာ ၊
ငါ့လက်စွပ် ၊စင်စင်ဆီး ၊ပီးခလိုက်လေ.......ပီးခလိုက် .။

နှပျိုးသီးချေတစ်လုံး မီးမှာအုံး၊ တစ်လုံးစားလီ ၊ကျော်ဇောရီ ၊
မြစ်ကိုကူး ငါးထောင်စီ ၊၀ါဖရဲသီးယူခ အုန်းတောက၊
အုန်းကယေယူ ပန်းဝါဖြူ ၊ဖြူပေါက်က ၊ မှိုင်းယေသမီး အလှပ ၊
ပေါက်တူးပေါက်ရာ ၊ လယ်ထွန်ရာ ။ဇင်းခံထောက်တေ၊ရီထောက်တေနန့်၊
ဖြားလည်းဗုန်းဗုန်း ပြန်လားယာ၊ င,တောင်သူ အိမ်ပါး ယာပါး တက်လတ်တေ၊
င, သတိုက် က တရားဆို ၊ ဖဲသာငါးမူးလျှော်လတ် တေလေး.........လျှော်လိုက်တေ..........
နှပျိုးသီးချေတစ်လုံး မီးမှာအုံး၊ တစ်လုံးစားလီ ကျော်ဇောရီ ၊ မြစ်ကိုကူး ငါးထောင်စီ ၊ အိမ်ထက် ကိုတက် ၊ ဗိုင်းဝှင့်ခ၊ အောက်ကိုဆင်းကေ ၊ ရီကမ်းခ၊ ရီကတောင်းက ရီယိုရေ ၊ ဘေးဘေ ရောက်ကေ ၊ပြောပလိုက်ဝေ၊ စံလှဘွေ ၊မင်းစပါးကိုကျွှဲစားရေ ၊ ကျွဲသမား လောင်းဒုံ ၊ ပြန်လတ်တုံ ၊
ဒုံဒုံလက်က ငါ့လက်ပြောက်၊ ပြောက်ပြောက်ခုံရေ နာပါရေ၊ နာရေမိန့်မ ရခိုင်ပြည်မှာ ခေါင်တောက်မ၊ ခေါင်တောက်မ၊ တိုက်ထလီ၊ ငကျီး ငကျော် ငညို
တက်ပြိုက် ၊ရီိပိုက်မကောင်း၊ သုံးချိန်းထောင်း၊ ကြောင်ဒေါင်းမလင် ၊ မခံချင်၊ ပဲပင်ထက်က လူးလို့ကျ ၊ မိုးကြိုးစိန် လီဆံထုံး ၊
ပန်းကုံး လက်ဖွဲ့  ထိုးလတ်တေ လေ .......ထိုးလတ်တေ...........

“ကျောက်ရိုးမဟာရာဇ၀င် ”

၁။ သက္ကရာဇ်သင်္ချာ ထောင့်သုံးရာနှင့် စွန်းရာသုံးဆယ် ကျော်သည့်ခါဝယ် ပြည်ရွာဆူပူ ဖြစ်လိမ့်မည်။

၂။ တိုင်းသူပြည်သား ယောင်္ကျား၊မိန်းမ ဟူသမျှမှာ ရန်စမအေး စစ်ကြားစစ်ဒဏ် တမ်ဒါးပြ သူပုန်ထ၍ ရာဖလုပ်သူ ဇမ္ဗူမရှိ ဖြစ်လိမ့်မည်။
၃။ မင်းကောင်းစိုးကောင်း လုပ်သူများလည်း ပေါ်လိမ့်မည်။
၎။ ထိုသောအခါ သာသနာထမ်း ရဟန်းအယောင် များလိမ့်မည်။
၅။ သူမင်း၊ငါမင်း အချင်းချင်းလည်း စစ်ခင်းထိုခါ များလိမ့်မည်။
၆။ မင်းကားအလွတ် ပြည်ဥပါဒ်လည်း ဖြစ်လိမ့်မည်။
၇။ ရဟန်းယောင်ယောင် ကျောင်းတစ်ဆောင်နှင့် များလိမ့်မည်။
၈။ ရဟန်းစိတ်တို မနာလို၍ ရွာကိုနှစ်ခြမ်း ခွဲလိမ့်မည်။
၉။ ရွာတစ်ရွာမှ ကြင်နာမသနား ဒေါသပွား၍ အဘတခြား သားတခြားလည်း ဖြစ်လိမ့်မည်။
၁၀။ ပို့ဆွမ်းမနိုင် ကိုယ်တိုင်ချက်စား ရဟန်းများလည်း သပိတ်ကိုမသုံး အိုးကိုသုံး၍ ခေါင်းတုံးထိုခါ များလိမ့်မည်။
၁၁။ သာသနာထမ်း ရဟန်းဖြူစင် သီလရှင်လည်း စိတ်လျှင်ထိုခါ ညစ်လိမ့်မည်။
၁၂။ ထိုသည်အခါ ယောင်္ကျားများမှာ ရှေးကအသုံး ယောင်ထုံးလည်းပျောက် ဆံတောက်နှင့်သာ များလိမ့်မည်။
၁၃။ အင်္ကျီလက်တို လူပျို၊လူကြီး များလိမ့်မည်။
၁၄။ လုံချည်တောင်ရှည် မသွယ်ထိုခါ ပျောက်လိမ့်မည်။
၁၅။ မင်္ကျီမဟုတ် ကုလားခြုပ်ကို အဟုတ်ထိုခါ ၀တ်လိမ့်မည်။
၁၆။ ပန်းတူမဟုတ် ၀ါးခေါင်းဘုတ်ကို အဟုတ်ထိုခါ ၀တ်လိမ့်မည်။
၁၇။ ရွှေလည်းမဟုတ် ကြေးကိုလုပ်၍ အဟုတ်ထိုခါ ၀တ်လိမ့်မည်။
၁၈။ ၀ိပသနာ အရွာရွာမှာ သူမှန်၊ငါမှန် ငြင်းဆန်ရန်စ များလိမ့်မည်။
၁၉။ ထမီပါးပါး အင်္ကျီပါးကို အများမိန်းမ ၀တ်လိမ့်မည်။
၂၀။ ရှက်ကြောက်ကင်းကွာ ထိုအခါလည်း အမှန်မုချ များလိမ့်မည်။
၂၁။ အိနြေ္ဒမထား မိန်းမများကို မြှောက်စားရုံးတော် တင်လိမ့်မည်။
၂၂။ သူ့လင်၊ငါ့လင် လိုချင်လောဘ လင်လုမလည်း မုချထိုခါ များလိမ့်မည်။
၂၃။ ကျောင်းကန်ဇရပ် ခွဲဖျက်သောသူ များလိမ့်မည်။
၂၄။ သတိမထား ကျင့်ဖောက်ပြား၍ တရားမရှိ လူဒိဌိလည်း အသေအပျောက် များလိမ့်မည်။
၂၅။ တောင်ကြီး၊ကမ်းကြီး အပြီးထိုခါ ပျက်လိမ့်မည်။
၂၆။ သီလဖြူစင် ရဟန်းရှင်တို့ ထိုခါစိတ်ကြီး ညစ်လိမ့်မည်။
၂၇။ ဗုဒ္ဓဘာသာ အရောင်ဝါလည်း ညိုလိမ့်မည်။
၂၈။ ကျောင်းကန်ဇရပ် အမြတ်မြတ်ကို မုဆိုးဖျက်၍ မုချထိုခါ ပြိုလိမ့်မည်။
၂၉။ ထိုသည်အခါ ပြည်ရွာဆူလျှက် ငတ်မွတ်ဘေးကြီး ဆိုက်လိမ့်မည်။
၃၀။ မိုးလည်းမမှန် ကပ်သုံးတန်နှင့် တွေ့လိမ့်မည်။
၃၁။ အရက်သေစာ ရပ်ရွာကြီးငယ် သောက်လိမ့်မည်။
၃၂။ ကြီးသူစကား ငယ်သူနားမှာ အမှားထိုခါ ကြားလိမ့်မည်။
၃၃။ ဘောကပိတ်ဖုံး ပြည်လုံးဒိဌိ ဖြစ်လိမ့်မည်။
၃၄။ အမိမမြင် သားမမြင် ထိုခါတရား တွေ့လိမ့်မည်။
၃၅။ သားမိ၊သားဖ သမီးစသည် အစ်မ၊အစ်ကို ထိုခါမရွေး တရားစွဲ၍ ဖြစ်လိမ့်မည်။
၃၆။ ထိုသည်အခါ မိစ္ဆာအယူ ကြီးသူငယ်သား အယူမှား၍ တရားပျောက်ကွယ် သွားလိမ့်မည်။
၃၇။ ကျင့်ဝတ်မမှန် ကျင့်ဖောက်ပြန်၍ ခိုက်ရန်များကြီး ပျက်စီးထိုခါ များလိမ့်မည်။
၃၈။ ကြီးသူငယ်သား အယူမှား၍ တရားယွင်းချက် မိန်းမပျက်တို့ အ၀တ်မလုံ ဖြစ်လိမ့်မည်။
၃၉။ ပျိုပျိုအိုအို မောင့်ကိုအိမ်ထောင် ပြုလိမ့်မည်။
၄၀။ ပျိုအိုမရွေး လင်ရပွဲလည်း များလိမ့်မည်။
၄၁။ တစ်ရာ့တစ်ပါး လူမျိုးများလည်း ခြားနားမရှိ ဖြစ်လိမ့်မည်။
၄၂။ အသရေကင်း လူ့အကျင့်လည်း မချွတ်ထိုခါ ပျက်လိမ့်မည်။
၄၃။ ကျောင်းထိုင်ရဟန်း အကျင့်ဆန်း၍ ရဟန်းမယား ရလိမ့်မည်။
၄၄။ အသရေအရှက် လူ့အကျင့်လည်း မချွတ်ထိုခါ ပျောက်လိမ့်မည်။
၄၅။ ကျောင်းအိမ်မရွေး ထိုခေတ်ထဲမှာ ဖြစ်လိမ့်မည်။
၄၆။ မြို့ရွာ၊ပြည်ရွာ အပူဒုက္ခ များလိမ့်မည်။
၄၇။ ငတ်ကိန်း၊မွတ်ကိန်း အပြီးထိုခါ ဆိုက်လိမ့်မည်။
၄၈။ တရားမသိ လူ့ဒိဌိလည်း မောဟမုချ များလိမ့်မည်။
၄၉။ (၉၆)ဖြာ ဝေဒနာလည်း အဆန်းထိုခါ များလိမ့်မည်။
၅၀။ ဘုရားကျောင်းကန် ထိုခါအမှန် မုချပျက်ကိန်း ဆိုက်လိမ့်မည်။
၅၁။ ရတနာသုံးပါး မှန်တရားကို အမှားလူတို့ ထင်လိမ့်မည်။
၅၂။ ကြီးသူအ၀တ် ငယ်သူဝတ် အ၀တ်ထိုခါ မှားလိမ့်မည်။
၅၃။ ရွှေ၊ငွေတိမ်ပျောက် ရှေ့၊နောက်သိမြင် ရဟန်၊ရှင်လူ ခပ်သိမ်းသူမှာ စိတ်ပူသောက များလိမ့်မည်။
၅၄။ မင်းစိုးရာဇာ ပြည်မြန်မာမှာ ထိုခါမရှိ ဖြစ်လိမ့်မည်။
၅၅။ တောတွင်းသူပုန် မြို့သူပုန် အကုန်ထိုခါ တိုက်လိမ့်မည်။
၅၆။ သာသနာထမ်း ရဟန်းမြတ်တို့ အနွမ်းထိုခါ ဖြစ်လိမ့်မည်။
၅၇။ ဦးစီးရဟန်း အပြီးထိုခါ မြို့ပြည်ရွာမှာ မဟာတပ်ကြီး ဖွဲ့လိမ့်မည်။
၅၈။ သာသနာတ၀က် ရောက်သောအခါ စစ်ကြီးအမှန် ဖြစ်လိမ့်မည်။
၅၉။ ပါပလူမျိုး အကျင့်ဆိုးတို့ အရိုးတောင်လို ပုံလိမ့်မည်။
၆၀။ မုနိနှစ်ပါး ချွေးကားပြိုင်ပြိုင် ထွက်လိမ့်မည်။
၆၁။ မြေကြီးငလျှင် လှုပ်လိမ့်မည်။
၆၂။ မိုးပြင်း၊လေပြင်း တိုက်လိမ့်မည်။
၆၃။ ပြည်တွင်း၊ပြည်ပ ပျက်လိမ့်မည်။
၆၄။ ရမ်းဗြဲ၊မာန်အောင် နှစ်အိမ်ထောင်နှင့် နှစ်ကောင်းကျွဲထီး ကျန်လိမ့်မည်။
၆၅။ ကျောက်တော်တောင်ကြီး အပြီးထိုခါ မြှပ်လိမ့်မည်။
၆၆။ ရမ်းဗြဲ၊မာန်အောင် သတိဆောင် ဥာဏ်ရောင်လင်းမှ လွတ်လိမ့်မည်။
၆၇။ မယူမြစ်ဝ လှိုင်းကြီးထ၍ ရှိသမျှလူတို့ ပြုန်းလိမ့်မည်။
၆၈။ ဂစ္ဆပနဒီ သရီ၊ရမ်းချောင်း အပေါင်းလူတို့ ပျက်လိမ့်မည်။
၆၉။ လေးမြို့၊ရာမောင် မြတ်ရွှေတောင်၌ လူကောင်းကြမ်းဆိုး တင်လိမ့်မည်။
၇၀။ သက္ကရာဇ်သင်္ချာ ထောင့်သုံးရာနှင့် စွန်းရာသုံးဆယ် ရှစ်ခုဝယ်၌ ထိုသည်အခါ ရှေ့ပုပ္ပါးက မသမာတရုတ် ဖျက်လိမ့်မည်။
၇၁။ ကုလား၊တရုတ် ဘေးရန်ကြောင့် မြန်မာ၊ရခိုင် စစ်ပြိုင်ထိုခါ ဖြစ်လိမ့်မည်။
၇၂။ မြန်မာပြည်ကြီး အပြီးထိုခါ ပျက်လိမ့်မည်။
၇၃။ အောက်သမတစ်စုံ ဆန်တစ်ဒုံနှင့် လိုသမျှကို မုချထိုခါ ရလိမ့်မည်။
၇၄။ ရွှေတိဂုံဘုရား မြတ်ရှင်အားကို ကုလား၊တရုတ် ဖျက်လိမ့်မည်။
၇၅။ မြန်မာအများ လက်နက်စွဲကိုင် မခံနိုင်၍ စစ်ပြိုင်ထိုးခုတ် အဟုတ်ထိုခါ ရွှေဗမာတို့ သွေးချောင်းထိုခါ စီးလိမ့်မည်။
၇၆။ တရုတ်ကပြုံး ဗမာရှုံး စုန်းစုန်းထိုခါ မြုပ်လိမ့်မည်။
၇၇။ သုံးနှစ်တိုင်တိုင် အနိုင်ယူခါ ပြည်မြန်မာကို မသမာတရုတ် စိုးလိမ့်မည်။
၇၈။ ထိုသည်အခါ ပြည်ဓညမှာ မဟာမုနိ စေတီးကြိးကို ခွေးဝက်အမျိုး ကုလားမျိုးတို့ လုယူထိုခါ တိုက်လိမ့်မည်။
၇၉။ မျိုးမြတ်ရခိုင် ဓညပြည်သား ယောင်္ကျား၊မိန်းမ ဒုတ်၊ဒါးလက်နက် ရသည်လက်နက် ဆွဲလျက်ကိုင်ပြီး စစ်ကြီးထိုခါ ဖြစ်လိမ့်မည်။
၈၀။ ထိုသည်အခါ ရေမှာနေငြား ကျောက်ငနွားလည်း ကျော၍ပေါ်လာ စစ်ပွဲမှာလည်း မှန်စွာမုချ ကူလိမ့်မည်။
၈၁။ ဇီးဇာတလျှောက် သွေးရေပေါက် ဒူးလောက်ထိုခါ မြုပ်လိမ့်မည်။
၈၂။ ထိုသောအခါ မင်းစကြှာနင့် ၀ိဇ္ဖာအပေါင်း ကူညီလောင်း၍ ရှိသမျှရန်စ ပြည်ဓညမှာ မုချထိုခါ ရှင်းလိမ့်မည်။
၈၃။ အနောက်ကုလား မစ္စည်းများကို သင်္ဘောယဉ်မြန် အမှန်ခုနှစ်စင်း အပြီးတင်ခါ ပြေးလိမ့်မည်။
၈၄။ ရခိုင်ပြည်သား လူအများလည်း တရားထိုခါ ဆောင်လိမ့်မည်။
၈၅။ ထိုသည်အခါ မုနိရှင်တော် ဘုရားလည်းပေါ် ညီတော်ရှင်ကျော် ပုံတော်တူမှာ ပြည်မြန်မာက ရောက်လာကြီး မြင့်မောက်နေငြား ကျိန်းတောင်ဖျား၌ ရုပ်ပွါးကိုယ်တော် သုံးဝါထိုခါ ဆိုလိမ့်မည်။
၈၆။ ထိုသည်အခါ ရွှေကျန်ဘုရား ကြွငြားအမှန် ရောက်လိမ့်မည်။
၈၇။ ထိုသည်အခါ သမိုင်းအရ ပြည်ဓည၌ ရှေ့ကထင်ရှား သွန်းလုပ်ထားသည့် ဘုရားမဟာဂျီ တစ်လီမကျန် အမှန်ထိုခါ ရောက်လိမ့်မည်။
၈၈။ ရာဇာမင်းတရား သွန်းလုပ်ထားသည့် ဘုရားမြတ်စွာ ကြွရောက်လာအံ့။
၈၉။ ထိုသောအခါ မင်းစောလှ၏ တည်ထားဘုရား ဒုက္ကန်သိမ်သို့ ကြွရောက်လာအံ့။
၉၀။ မျိုးသန့်ရခိုင် ဓညပြည်သည် အမြဲဓာတ်တော် ပေါ်လိမ့်မည်။
၉၁။ ခုခါမတရား ကျင့်နေငြား တရားချွတ်ယွင်း ပျက်သူများလည်း အပူဒုက္ခ ရောက်လိမ့်မည်။
၉၂။ တပါးထို့တူ အလောင်းဟူသည် မင်းမူတည်ထား ဘုရားကိုးသောင်း လှိုင်းခေါင်းကိုယ်တော် ကြွရောက်လာအံ့။
၉၃။ ဓညပြည်ကြီး လွတ်ခါနီး သံကြီးသုံးခါ မြည်လိမ့်မည်။
၉၄။ ထိုသံကြားရ ကြောက်ကိန်းလှ မုချထိုခါ တွေ့လိမ့်မည်။
၉၅။ တရားမသိ မရှိသံဃာ ထိုပြည်ရွာမှာ အမှန်မုချ ပျောက်လိမ့်မည်။
၉၆။ မူဆလင်ကုလား လူမျိုးများလည်း အများထိုခါ ပြုန်းလိမ့်မည်။
၉၇။ ဖလောင်းလူမျိုး အကျင့်ဆိုးတို့ တန်ခိုးမရှိ ဖြစ်လိမ့်မည်။
၉၈။ ထိုသည်အခါ ပြည်ဓည ဝေသာလီမှာ မဟာမြို့ကြီး တည်လိမ့်မည်။
၉၉။ မြောက်ဦးနန်းရာ မဟာသိမ်ကြီး ဆောက်လိမ့်မည်။